Breaking News : US Election A Buai Tak Tak Cang.

Tunai te khan Trump nih vote rel ti lo dingin ‘Stop the Count‘ ti bak in a langhter cang. “Stop The Count” a ti khawh bak hin rau lo ah “ANY VOTE THAT CAME IN AFTER ELECTION DAY WILL NOT BE COUNTED!” tiah a van tial colh. Election day hnu i vote a ra mi paoh cu rel bak lo ding a ti cang. Tutan i thimnak ah Trump le Republican Party pawl an lung a tlin lo tak tak. Cakuat in kuatmi Vote pawl hi ningcang lo tuk in a kal ti a si. Hi lawng siloin Trump nih a tei hrimhrim lai tiah ti mi state pawl zong Ballot in kuatmi Vote ruang ah Biden nih a tei diam tiah chimceih a si rih. Hi kong he pehtlaiin Trump le a party cu cung sangpi Court tiang an buaipi hi a si. Court bak ah biatak tein Trump nih buaipi a timh. Cucaaah Trump nih Vote vialte rel ti hlah uh tiah a ti hi a si. Vote an rel peng ahcun Biden nih a tei diam lai. Zahan Trump nih bia a chim lio khan nan ngia dek maw, Biden a tei ngai rih lio hrawng zong khan Trump nih warning a rak pek i a lung a rak tling cia ti lo. A tak tak a van cang.

Naveda vote rel cangmi le rel ding mi hi van zoh tuah usih. Neveda milu hi million 3 reng lo deuh lawng an si. Vote thla ding in min ai khumhmi hi million 2 hrawng an si. Vote a pe taktak mi hi million 1.6 (77%) hrawng an si. Vote an rel cangmi million 1.5 (75%) renglo a si cang. Vote rel ding a um/taang rihmi hi sing/ting 3.8 (25%) hrawng a um rih. Biden nih vote 588,252 (49.3%) a hmuh cang. Trump nih 580,605 (48.7%) a hmuh ve. Biden nih vote 7647 hrawng in a thlau/tei rih. An rel rih dingmi vote hi tam ngai kaw aho nih a tei lai ti chim/theih khawh a si ti lo.

US presidential election cu kan theih ciau bantukin nov.3 ah ngeih asi, vote tla mi zong rel cawlh asi fawn. Laimi tamdeuh nih kan tanh ngaimi Donald trump belte kan zumh ning bantukin thil a kal kholo men. Tu tiangah state tam deuh rel asi cang. Biden nih hin electoral vote 264 a hmuh cang I, president si khawhnak dingah vote 6 lawng a herh cang. Mahlioah trump nih cun electoral vote 214 lawng a hmuh.At u dirhmunah president si kawhnak ding caah a biapi tak tak nak hmun Nevada state i vote thlakmi cu Nithumni zan tiangah vote 75% rel asi cang nain honih dah teinak hmu deuh lai timi chim chung dingah cun a tuan deuh vak. Tuni tiang an relmi chungin Biden nih vote tlawmte in a tei rih. Vote an rel ning bel fum tuk ruangah mipi zong an sifang ngai ngai cang.

Electoral vote 270 hmuhnak ding caah Nevada state nih ageihmi electoral vote 6 hi a biapi tuk caah Biden le Trump nih cun neihniam tak tak in vote rel lio an cawnh ve ve. US mipi nih zeiruangah dah Nevada state vote tla mi rel thlu asi lo timi kong ah an lungtlinlonak an chim ceih mi cu Nevada secretary of state nih cun tlawmpal fianternak a tuah ve. “vote tlami hi rel cuahmah asi ko. Mipi zong nih lungsau tein rak ngak ko uh!.

Ballot result kan rel mi hi nilini zingah hlanah cun result thawng thanh asi lailo” tiah a chim. State election office nih cun ngawl loin zan khawdei tiang vote an rel peng ko. Nithumni zanlei tiangah khan Nevada state vote tlami mipi sin an thanh ningah Biden hi vote 8000 hrawng in Trump nakin vote a hmuhmi a tam deuh. Credit: fox news