BREAKING NEWS: US i AR Zuatnak Company ah Tihnung tak takmi Thil a Tlung

US ah thihnak fakpi a um. Georgia State i Gainesville county i ar zawtnak company ah tih a nung tak takmi a timi chemical (liquid) Nitrogen a zut (leaked) caah minung 6 an nunnak a liam i minung tampi sizung ah a rannak in kalpi colh an si. Tuzing (US time) zinglei 10 am khan US Georgia State i Gainesville khua i Ar pawl zuatnak company ah tihnung tak takmi chemical Nitrogen a pem i minung tampi sizung ah chiah an si.

Atu tiang thawng kan theih ning ah minung 6 an thi i a dang tampi hliamhma an tuar. A cheu sizung ah zohkhenh cuahmah an si. Minung 5  hna cu a hmun ah an thi colh i pakhat belte Sizung emergency Room ah a thi ve. Motor kalnak lam vialte kham dih colh a si.

Zeirung ah dah hi chemical tihnung hi a chuah (leaked) timi thawngpang fiang theih khawh a si rih lo. A cheu nih thil pakhat khat puahnak (blast) ruang ah an ti a cheu nih puakmi a um lo tiah an chim ve. Lam le a pawngkam sianginn vialte cu khar dih colh an si. Palik le mei that (fire department) lei an phan dih cang. 

Hi ar Zuatnak company nih  hin rianttuannak caah chemical tihnung Nitrogen ti (liquid) hi an hman tawnmi a si ko.Ruah lopiin tuzing khan hi thil hi a van um. Source: Daily Mail, ABC news