BREAKING NEWS: US President Biden nih Fak tak tak in Kawl Ralkap a Hrocer

Vawleicung ram tampi ah kawlram mi nih san dah an piah. Japan ram hna ahcun US embassy hmai bak ah kawlram mi nih sandah an piah.  Hi kong he pehtlaiin US President thar Biden zong aa sum kho ve ti lo. Cathanh (statement) bak in a langhter ve.

A chim ning in a um tak lai maw, zeibantuk in dah Biden nih Kawlram cungah cawlcanghnak a ngeih lai timi belte theih a si tuk lo. Tuni Kawlram buainak kong ah Biden nih cun  Kawlram  cu a herh ahcun dantatnak pek than dingin a hrocer.

Kawl ralkap nih nawlneihnak an lak mi siseh ,Suu Kyi le midang dang dang (Civilian official) an tlaih mi siseh,Kawl  rampi ah  aa naa ting in (national state of emergency) an phuanmi hi  rampi democracy aa thlennak ding le zaukphung an tlaihhrem bantuk a si.

Democracy ahcun hramhram in mipi duhnak pin lei rianttuan le election a dikmi hlawt hi a si hrimhrim awk a si lo. Kum tampi kawlram mipi hna nih mipi cozah sernak, ithimnak le daihnak he nawlneihnak (power) ichanhnak ah rian a tuan. Hi an rianttuan hi upat awk a si tiah Biden nih a cathanhmi a Statement ahcun a langhter.

A liamcia caan ah khan US nih Kawlram cu Democracy lei ah aa mer caah vihmah caah Kawl ralkap ruang i dantatnak a rak pekmi a hlonh piak cangmi zong a herh cun dantatnak pek than dingin Ready kan si tiah a langhter rih. Zeikong dah cang lai. Kawlram kong ah a poi ti pin chimawk a um ti lo. Source: Reuter