BREAKING NEWS: US President Biden nih Ralzaam tam tak tak Lak aa Tim Cang

US President Biden nih Ralzaam US lut zat a Phuan Cang Lai. A ruah hlan ah Biden hruaimi Cozah nih US ram i ralzaam a lut ding zat phuannak an tuah cang lai. US ram ah kum khat caah ralzaam dirhmun in a lut kho dingmi zat phuannak an ngei lai. Biden hi Trump nak in a let tam deuh piin ralzaam hna hi US luhter aa tim. Hi thil hi US President ca i aa cuh lio hrimhrim in a biakam a si.

 Trump cozah nih khan kum khat chung ah ralzaam 15,000 lawng US ah lutter dingin biakamnak a tuah. 1980 hnu in US i ralzaam lak tlawm bik zat a si. Tutan Biden nih hin zeizat set ah US ram ah ralzaam a luhter lai ti aa fiang lo, asinain a rauh hlan ah a zat a langhter cang lai.

US ram i ralzaam luhter zat hi  US President hna kut ah tampi a  um. Ca cawn ni hnihni (Tuesday) khan President Biden nih executive order in Trump policy zohthannak a tuah i cu hna lakah US le Mexico chungkhar aa ttheng cangmi fonhtonhnak ding zong aa tel. Kum 1990 in 1995 karlak ah US ram a lutmi ralzaam hi ram tampi in an si. Russia lei zong in ralzaam tam ngai an lut ve ti theih a si.

Cun, US President thiamthiam Barack Obama chan ah khan Ralzaam US lutmi hi karh ter than a si. 2016 ah ralzaam 85,000 bak an si i, cun 2017 kum le bang ah khan cun 110,000 bak an si. Hi ralzaam hna lakah Syrian buainak ruang i ralzaam tampi an i tel rih. Tutan zong ah hin Biden nih hin US ram ah ralzaam tam tak tak a luhter hrimhrim lai ti mi ruahchannak tampi a um. Source: CNN.

Relchap:- 3.5 Million leng Kawlram um mi bak nih an download cang.

Kawlram ralkap nih Online i chawnhnak le thawngpang i thanh nak pawl an phih dih hnu ah, Bridegfy timi apps hi Myanmar ram chung ah 1 million tluk nih ni 2 chung ah an download cang. A tang lei hmanthlak hi a ni khatnak chung i an download mi zat cu a si. Bridgefy company lei zong nih Kawlram mi vial te caah an siaherh nak bia le tha zaang pek nak bia an ttial chih ve. Bridgefy rian tuan ning : Bridgefy, offline i chawnhnak app hi Bluetooth he i connect buin i chawnhnak a si. 330 feet chung ah a um mi cu i chawnh khawh dih a si. Sihmanhseh law connect nak  dingah internet cu a herh ta ve. Voikhat tuah dih hnu cun 330 feet chung i a um mi paoh he nan i chawn kho dih. Bridgefy ti mi i chawnh nak app hi internet zong a herh lo, sim tel lo zong in i chawnh biak khawh a si. 

Zeiruang ah Kawlram mi tampi nih hin Bridgefy hi an download?  Kawl Ralkap nih uknak an in cuh hnu i Kawlram mi cu lungre thei le cawl kho lo ding in tuah an timh hna. Facebook le i chawnh biak nak le thawngpang i thanh nak apps dang dang hna zong an phih dih hna tikah i chawnh biaknak ding lam a bi cang. Cu tik ah offline in i chawnhnak Kawl Cozah zong nih an phih kho lo mi Bridgefy hi biatak tein Kawlram chung a um mi nih an download cio hna. Kan mah chin ram chung i a um cio mi hna zong nih i chawnh nak apps dang kan hman khawh hna lo ahcun, Bridgefy hi rak download ve cio uh. Android  ca zong ah a um i Apple ca zong ah a um ve fawn. A hman zong a fawi i Internet zong a herh bak lo.