BREAKING NEWS: US PRESIDENT BIDEN nih Suu Kyi le Win Myint kong Fak fak in bia a Chim Cang

Tunai te khan US President Biden nih tutan Kawlram buainak kong he pehtlaiin bia a chim ve cang. White House lei in biachimnak a ngei cang. Tu thla hramthok lei khan Kawl Ralkap hna nih Kawlram uknak cu hram hram in an lak. Suu Kyi le a party minung hna cu tu chun ni tiang tlaih an tong. Hi kong he pehtlaiin US President Biden nih biachimnak a tunai te khan a tuah.

Biden nih cun hi ti hin a langhter ‘ Myanmar Ram Ralkap uknak laknak kong ah update pek kan in duh hna. Kawlram buainak kong ah vawleicung ram i US ram hawikom tha pawl he tha tein pehtlaihnak tha le dothlatnak kan ngei peng ko. A bik in Indo-Pacific ram pawl ah a si.

Tutan buainak ah hin US iteltumnak hi a biapi tak tak tiah zumhnak nganpi kan ngei i, ram dang dang hna zong Kawlram hi democracy a kir nak hnga he kong he pehtlai in kan telpi u law ti kan duh. Kan hnu zarh khan US bawmhnak thawngin UN Security Council nih fak tak tak Kawlram democracy a chuah nak hnga cathanh (Statement) a chuah.

Tuzarh zong ah hin nuhrin covo Lutlai sin ah vawleicung ram pawl nih Kawlram i nuhrin covo thawnter a si nak hnga  thazaang chuahter kan izuam lai. Tuni ah Kawl Ralkap hna cu a rannak in Democracy ramkhel hruaitu hna Aung San Suu Kyi siseh Preisdent Wint Myint tel in chuah dingin ka langhter than. Kawl Ralkap hna nih hin nov 8 thimnak i an langhtermi hi an upat awk a si. 

US cozah nih tutan buainak chuahpi tu kawl ralkap hruaitu hna an business siseh, an chungkhar hna sin ah dantatnak kan tuah. Cun tuzarh zong ah Kawlram in ram dang thil chuak (Export) biatak tein control kan tuah lai. Asinan kawl ram mipi sin i direct bak i a phanmi ngandamnak lei bawmhnak, civil society thazaang peknak pawl cu thazaang kan pek peng lai. Lamzawhnak a zual chin lengmang bantuk in  Kawlram mipi au aw cu theih a si a si nak hnga kan izuam lai.

Vawleipi nih kawl ram a zoh peng ko. Dantatnak le phihkharnak dang dang zong pek chap kan i ready peng.US hawikom ram he zong Kawlram kong i riantuan ti dingin kan izuam cuahmah’ tiah a langhter.