Breaking News:Mawtaw 100 fai lam pakhat ah an i pah hna. Tih a nung kho tak tak!

US ram Texas state chak lei kam khuapi Fort Worth le Dallas ah khuaruah har in accident an tong hna. Chaklei Texas lam le highways pi hna cu Vur a tlak pah ruang ah khua ruah har in lam a naal i accident mi tam pi nih an tawn tiin theih a si. Hi accident tawn nak ahhin 3 an nunnak a liam i 30 leng sizung ah an kal pi hna.

Firefighters respond to a multi-vehicle pileup in Fort Worth Thursday morning after thin sheets of ice formed on North Texas highways overnight.

Fort Worth Lampi ah mawtaw a hme mi he a ngan mi he ke 18 a ngei mi truck hna cu lam a naal tuk ruang ah an i pah dih hna i lam lai pi ah an i pum dih hna. Zoh ahhin tih a nung kho tak tak si. hi aa pah mi Mawtaw hna hi 100 leng an si ti a si.

Vanthat ah hi kaa hmun ahhin cun a thi mi an um lo ti a si. A sinain mawtaw cu an i pah dih caah a chung i a um mi pawl cu chuak kho lo in an tang hna. Rescue team pawl nih nan chuah khawh lo ahcun chuah i tim hlah uh kan mah nih kan rak in chuah hna lai, mawtaw chung ah dai tein kan um piak uh tiah an ti hna. Rescue team pawl nih lam naal hna cu naal lo ding in leidip hna, cite hna vur a tit ter tu ding ah phulh ding in an khan fawn.

Dallas ah Mah bantuk in mawtaw an i pah i an i pumh dih ve nak ah 11:17 pm hrawng ah khan Lamar Street ah mi 1 a nunnak a liam tiah Palek nih an chim.

Cun zaan nazi 1 hlan deuh te ah khan Illinois Avenue ah accident in 2 an thi i a 3 nak cu zual ngai in sizung ah an tlik pi ti thawng pang kan theih fawn.



Source: Fox46