BREAKING NEWS:Trump Washington Chuahtak buin Tih a nung tak takmi Nuclear Thilri Control nak aa Ken Hnik

President Trump cu tuzing (Wednesday) zing lei 8am (US Timing) ah Washington cu a chuahtak ruangmang cang lai. President asi bantuk in Neclear Football timi belte aa ken rih lai. Neclear Football timi hi a biapi tak takmi thil a si cang. Trump nih hin aa ken rih lai. Chun hnu lawng ah a chanh te lai.

Trump nih aa kenmi Nuclear football ah hin President nuclear kahnak ding nawlpeknak thilri le a biapi tak takmi thil US President lawng nih nawl a neihnak thilri pawl an um.

Trump nih aa kenhmi hi deactive hnu lawng ah Biden caah activate tuah i hman khawh dingin serpiak a si than te lai. Trump nih hin amah hnuzul tu ding Biden caah zeihmanh cakuat chiahta ding aa tim lo. Cun Biden lawmhnak puai zong ah kal hrim aa tim lo.Biden nih a hman ve dingmi Neuclear football zong hi puai dih hnu ah chanh a si te lai.

Trump hi tuzing Wednesday zing ka in a umnak inn nuam taktak mi Florida i a ummi Mar-A-Lago lei a phanh lai. Neuclear Football belte aa ken rih lai. Source: Dail Mail

President TRUMP nih a Donghnak Biacah a Chimmi (Lai Holh in Lehmi)

 Trump nih US President in a donghnak biacahnak a ngei. A chimmi hi a tha kho tak tak. White House lei nih cun bia a chimmi video hi a langhter. Trump nih a voi 45 US President in a term a donghnak biacah cu hi ti hin a chim. A hmasabik ah Make American Great Again cu American dihlak ca a si. A liamcia kum 4 khan hi lungput in aa thokmi kan si a ti i, a nupi Melania le a chungkhar hna cungah lawmhnak bia a chim  hnu ah Vice Presiden Mike Pence le an nu le White House rianttuantu dihlak cungah lawmhnak bia tampi a chim fawn.

Kum 4 chung ah kan rianttuannak le hlawhtlinnak ah kaa lawm tak tak. Hika hmun in kan rat kaa tein tuah ding kan timi thil cu kan tuah tak tak. Cun a dang tampi zong kan tuah len rih.Cozah thar cu tuzarh in an i thok lai i, America a  him khawh nak le cungsangpi ah an hlawhtlin nak lai thlaza kan cam. Kan hnuzarh i US Capitol i cangmi kha poi tuk ka ti. Kha bantuk cawlcanghnak cu theihthiam khawh lomi thil a si.

Ka nun chung ah hin Politics hi ka tuah bal lo. American pakhat nak a chiahtu kan si chung cu hi thil hi cang khomi a si. A hlan i kan nun (life) cu ka chiata in a har tak takmi rian ah ka luh hi a si. US ram chung ramkhel lei cawlcanghnak political movement nganbik kan ser i cun, Vawleicung tuanbia vialte tei dih in American economy cu liannganbik  ah kan ser.American pakhat nak ti a si peng nak cun American cu Lianngan tthan seh ti kan duh caah a si. Kan dirpi mi kan agenda cu kehdak maw ordak (Right or left) a si hrimhrim lo. Republican maw democrat ti zong a si lo. Ram caah a thatnak ca tu deuh a si.Kan rianttuan mi ah hin an tuah khawh lai tiah ruah lomi thil tha tam tak tak kan tuah.

Tax cut le reform tam tak tak kan tuah. US tuanbia ah um bal lomi a si. Cun Sipuaizi caah rian tam tak tak le thil tha tam tak tak kan tuah. Covid Sii zong thla 9 chung ah 2 bak kan lim. Aho hmanh nih an kan zumh lomi thil cu khuaruahhar in kan tuah khawh. US Sipuaizi thanchonak ah thil lianngan tam tak kan tuah…Mah vial hi si seh, thil tha tam tuk a chim rih a dongh kho lo.