Buanlung Mino Pathum Hakha Ah Ralkap nih an Tlaih Hna!

Buanlung Mino Pathum Hakha ah Ralkap nih an Tlaih Hna.

May be an image of 3 people and text that says "ung hlei sang Roland"

Nizan March 28 ah thilcawk ding in leng ah an chuak i an tlau, tiah an timi hna Buanlung khuami Cung Hlei Sang (kum 17), Van Nun Bawi (kum 17) le Roland (kum 18) cu ralkap nih an rak tlaih hna i Rungtlang 266 sakhaan ah an hren hna tiah thawng kan theih.

Hakha ah a ummi chungkhar hna nih, “266 ah kan hren hna tiah atu zanlei ah khan phone a kan chawnh. Tu zanlei ah Palik sakhaan ah kan ratpi hna lai i, rak dong hna u a kan ti,” tiah The Chin Journal ah an chim. Buanlung khuami mino pathum hi nizan Hakha mei a mih lio ah kan an umnak Auto sang in thilcawk ding in leng ah an chuak i ralkap nih an rak tlaih hna hi a si.

The Chin Journal

Relchap: Lawmh A Um Kho Tak Tak Si! Falam Innkang Bawmhnak Tangka Tamtak An Pek!

January 12,2021 i Falam innkang harsa tuar pawl caah hmun kip in zawnruah siaherhnak he kuatmi tangka Sing 680 cu tu zanlei ah dihter a si. Hi tangka cu Falam KBZ bank an phih hnu meikang bawmhnak account chungah rawn khawh lomi February 15,2021 hlan ah GCO Coordinator Salai Nhgepi Thian Uk Thang sinah a lut mi pawl an si.

May be an image of one or more people, people sitting, people standing and indoor

Tu lio boruak chiat ruangah bank account chung i ummi sing 1100 leng cu chuah khawh a si rih lo i Bank i rawn khawh lo mi Ting 680 cu tu chunah innkang tuar chungkhar 22 sinah an pek hna. Tangka ngahmi i 70% cu inn ngei pawl sinah pek a si i 30% cu dawr tuah/inn hlang le inn tlaihchih tuar pawl sinah pek a si. Inn kang 70% cu inn i dirhmun tuak im ratio(2.5:1, 2:1, 1.5:1 le 1:1) pek an si i a dang 30% zong dawr dirhmun tuak i ratio (4:1, 3:1, 2:1 le 1:1) pek an si.

May be an image of one or more people and people standing

Falam innkang tuar harsa pawl caah kan thawh ciomi tangka cu bank ah sing 1100 leng tu ni pek mi sing 680 le kuat khawwh tikah a phan dingmi tiah chiahmi sing 600 lenf he zate dihlak sing 2300 lenf hrawng ruah a si i cu chungah tu ni ah sing 680 pek hmasa a si.

GCO i Falam Laihlum tuanvo ngei a simi Pu Hrang Lawm. Pu Dar Lian Uk. Nu Čšial Kip Hoi le Salai Nhgepi hna i tawlrelnak in tuchun ah pekmi a si i tangka kuatu zate le FBA zung hman ter in thlacam nak zong a ngei tu Rev.D Vai Lian Zul cungah lawmhnak bia kan chim.

Zawnruattu pawl i kuatmi tangka za ten pek a si hnu ah petu pek zat chungkhar pawl i comi cazin pawl felfai te’n kan tarlangh than lai bawmtu zate cungah innkang tuar inn chungkhar pawl le GCO nih lunglawmhnak chim cawk lo kan ngei.

Crd- Chin Post.