CDM Ah Ai Tel Duh Lo Ruangah ‘Pa’ Sinak In Hlawt A Tong!

CDM ah aa Tel Lomi Falam District Uktu U Yi Mon cu a Fanule nih Hringtu Pa Sinak in an Hlawt tiah theih a si.

May be an image of 1 person and standing

CDM ah aa tel lo pin ah CDM a tuahmi pawl biachiakha in a hrocer i a tlerhkhawngtu Falam District Administration zung i Deputy Director U Yi Mon cu a fanule pahnih nih hringtu pa sinak in an hlawt, tiah theih a si.

U Yi Mon i a fanu upa deuh Thiri Mon nih, “A kan hringtu kan pa a simi U Yi Mon he kan dirhmun aa khat ti lo. CDM ah aa tel lo pin ah CDM a tuahmi zung rianttuan pawl biachiakha i a tlerhkhawn hna, a hro hna. Cucaah, nihin ni thawk in U Yi Mon he pehtlaihnak kan ngei ti hna lo. Hringtu pa sinak in kan hlawt i zei a ton paoh ah kan i ceih ti lai lo,” tiah a Facebook ah a ttial.

“Kan nih a fale tu cu kan kal pi mi lam hi hmai kan nor lai. Dothlennak kan tei hlan lo hnu lei kan chi lai lo. U Yi Mon hi a umnak zatlang zong nih zatlang dantatnak (Social Punishment) kan tuahpiak u,” tiah a langhter chap.

Crd- The Chin Journal.