Cinkhua ah Ralkap nih an Tlaihmi Rev. Bual Sang ThangFiang Theih A Si Cang!

Cinkhua ah Ralkap nih an Tlaihmi Rev. Bual Sang a Luat Cang.

No photo description available.
April 7, zaan ah Cinkhua ah ralkap nih an tlaihmi Pastor Cung Lian Thawng i a pa Rev. Bual Sang cu nihin zanlei sml. 6:30 hrawng ah an thlah tthan cang, tiah thawng kan theih. Nizan zaanlei sml. 3:30 hrawng ah HBA Quarters ah a ummi Pastor Cung Lian Thawng zong ralkap le palik nih an kalpi i, zaan sml. 7:30 hrawng ah an thlah tthan.

Rev. Bual Sang hi Cinkhua Baptist Church ah Pathian rian a ttuanmi a si. Palik nih zaan khat chung an hren hnu tu zanlei ah an thlah tthan hi a si.

Crd- The Chin Journal

Relchap: Zualko: Tahan ah a Thih le a Nun an Theih Lomi Salai Lal Dan Sang a Ruak in an Lak.

Tahan ah a Thih le a Nun an Theih Lomi Salai Lal Dan Sang a Ruak in an Lak.

May be an image of one or more people and people sitting

April 7, zinglei sml. 5:00 hrawng ah Myanmar ralkap nih Tahan ral kahcham an rak doh lio ah a thih le a nun fiang in theih lomi Salai Lal Dan Sang (kum 25) cu nihin zanlei sml. 4:00 hrawng ah a ruak in a chungle nih sizung ah an vung lak, tiah kan theih.

Ralkap nih an rak kah i a ruak zong an rak kalpi. Tu zanlei ah a ruak hi vui colh an timh. Salai Lal Dan Sang hi April 7 hnu ah a chungle le a hawile nih an kawl lengmang nain an hmu lo. Facebook ah minung pakhat nih “Aho ti theih lomi hlamtu ngei lo ruak a um” tiah thawngthanhnak ca a ttial hnu ah a ruak in an vung lak khawh hi a si.

Crd- The Chin Journal

Relchap: Kawlram Caah Biatak Tein Suu Kyi Sinah Rianttuantu U Bo Bo Nge Thawnginn Chungah A Nunnak A Liam.

May be an image of 1 person, sitting and indoor

1988 Uprising lio ah hin U Bo Bo Nge nih hin Ralkap uknak duhlonak ah mipi a rak hruai hna. Cu tiin mipi a rak hruai hna ruang ahcun Ralkap nih an chungkhar te in an tlaih hna i Thonginn ah an thlak hna. Kum li le a cheu chung Thonginn ah cun an rak tlak i, cu chung ahcun Thonginn in Mirang ca a rak cawng.

Thonginn in a chuah hnu ahcun Kawl Ralkap nih U Bo Bo Nge cu Sianginn kai kho lo ding le fimnak cawng kho lo dingin an rak khap. Cu hnu ah US lei ah Sianginn, Business le Tinchia cawng ding in Bard College ah a va kal. Sianginn a kai pah cun Restaurant ah rian a rak tuan tawn. A cawnnak a tthat ruangah American Investment Sevice(AIS) le American Institute for Economic Research (AIER) caah rian zong a rak tuah. PhD zong England ah a va ngah.

Suu Kyi hruainak in NLD nih Kawlram Cozah uknak an laak hnu in 2015 ah khan U Bo Bo Nge cu Kawlram ah a rak kir than i Central Bank of Myanmar i Deputy Governor a rak ttuan. Mifim le mi teima a si bantuk in, Kawlram tangka luhning le chuah ning vialte a rak remh dih. A mah thawng in Kawlram tthan cho nak caah Phaisa lei zong tluang te in a rak kal kho. Mah hlan ah Myanmar GDP 1.8 billion a rak si mi cu 10.5 billion bak ah a rak kai ter. 17 Foreign bank zong license bak he amah nih a rak dirh hna.

U Bo Bo Nge hi Thintur zawtnak a ngei mi a si. February 1 ah khan an rak tlaih ve i, April 7 ah Insein Thonginn ah Thinthur zawtnak in a nunnak a liam.

Crd- U Aung Lwin/ Pvt Fb.