BREAKING: CNLD in 2020 kum thimnak ah aa zuammi Pu Kyaw Nyin nih ralkap sawmnak a cohlan!

A cutluk kawlram thawnpang chiat a zual chin lio ah Miphun le Ram caah dawtnak an ngeih lo ning hi a mak.

CNLD in 2020 kum thimnak ah aa zuammi Pu Kyaw Nyin nih ralkap sawmnak a cohlan.

May be an image of 1 person and standing

2020 kum Myanmar ram party tling Democracy thimnak ah Chin Ramkulh Paletwa Peng, CNLD party in aa zuam mi Pu Kyaw Nyin nih ralkap council zung ah riantuan ding an sawmmi cu a cohlan tiah theih a si.
A cohlannak kong he pehtlai in amah Pu Kyaw Nyin nih, “A cohlan timi hi a dikmi a si. Ka cohlannak a ruang zong hi kan nih Paletwa cu mizapi nih kan theih cio bang ram buainak zong a um. Cun, COVID-19 zawtnak zong hi phunkhat a rak si ve. A bikin kan ram a daih khawh nakhnga tuah a herh, cohlan a herh timi ruahnak in ka cohlan mi a si,” tiah The Hakha Post ah a chim.
Pu Kyaw Nyin hi 2020 kum thimnak ah Paletwa Peng Pyithu Hluttaw mee hmun ah aa zuam i teinak a hmu lomi a si.
Cun, atu hi Council zung kai ding in Hakha lei ah a ra lio a si. Anih hi USDP Cozah chan lio zong ah Cozah lutlai a rak tuan bal mi a si.

Crd: The Hakha Post

Relchap: Minister Soe Htet Naypyidaw ah a kal cang lai.!

Minister Soe Htet Naypyidaw ah a kal cang lai

May be an image of 1 person and standing

Chin Ramkulh Minister Soe Htet cu Uknak hramhram in lak a tim mi Ralkap cozah nih Chin ramkulh Khualipi Hakha ah umnak nawl an pek tilo caah, Naypyidaw lei ah kal ding an tim cang tiah kan theih.

Minister Soe Htet naihniam sin in, “Municipality Minister Soe Htet cu Hakha ah umnak nawl an pe tilo. Cucaah, thaizing (3 March) hi Hakha in Naypyidaw lei ah a thawh hnik tiah” min langhter awk tha lo mi pakhat sin in kan theih.

Hi kong he pehtlai in, zei ruang set ah dah, a kal lai timi kong kan hlat tik ah, zeihmanh chim fian mi cu a um lo. Nain, umnak nawl an pe tilo, နေခွင့်မရတော့ဘူး tiah an ti caah a kal hnik mi a si tiah theih a si.
Hi kong he pehtlai in, The Chinland Post nih thawngpang fiang le tling hlat khawh kan rak i zuam chap rih lai.

Crd:- The Chinland Post