CNO/CNDF Interview/Biahalnak An Tuahnak Hna Hi Rak Rel Ve.

India ,Mizoram Camphai ah April 13 ah ခ်င္းအမ်ိဳးသားအဖြဲ႕ခ်ဳပ္ le ခ်င္းအမ်ိဳးသားကာကြယ္ေရးတပ္ဖြဲ႕ (CNO/CNDF) cu dirh a si nak kha April 22 ah an langh ter.

Cu hna phu nih a timh mi cu ralkap nawl ngaihnak phung cu a hram in tlau ter ,Laimi nih mah ten dir khawh nak le a lamkip ah thangcho in hmunkip um Laimi vialte thazaang i funtom in kan dir lai.

Cu kong he pehtlai in Salai William Chin cu zalen media nih bia hal nak an tuah .

Qus: Zei ruang ah dah CNO/ CNDF nan dirh?

Ans: Lai mi hriamtlai zong kan ngei ko nan an cawlcangh lo dang khat ,an mah he fonh in rian tuan ti ding ah le policy lei ah tlamtlin lo nak a um. CRPH i People Defence Force he hmunkhat kal ti khawh ding le a hnu ah Laitlang humhim nak lei ah mah le peng cio ten runven khawh nak ding caah a si.

Que:Caan a rauh tik ah zei thil dah a cang kho?

Ans: Kan mah phu khat hi Laimi vialte ai awh in kan cawlcang lai ti nak a si hrim lo ,
Dir kamh nak le ram caah tinh mi khat in phu kip vialte hmunkhat ah hmai fon ti ding in timh mi a si.

Que:A dang Lai hriamtlai phu he zei tin dah nan i funtom ning si lai?

Ans: CNF/A si zong ah ZRA/O si zong ah south lei unau hna an si zong ah a tu te hin pehtlaih nak kan tuah .Mah le peng cio ah dir in ramkulh ca zong dir khawh ding tiang kan i ruahchan.

Que: A tu ban tuk langhter si lo in a thli deuh cawlcangh ah humhim nak caah a tha deuh lo maw?

Ans: A tu kan dirh mi hi April 13 ah khan asi.

Thawngthanh colh lo in caan zei maw zat Kan hngah ve ko. Ramkhel phung ning in kal ding a si caah theih ter nak, langhter lo a ngah lo.

Que: A tu CNO/CNDF thazaang le cawlcangh nak ?

Ans: Hriamtlai caah cawn nak kan tuah. Timh tuah ding tam nawn zong kan tuah cang. National Call a um tik ah ready si ding in timhlamh nak kan ngei.Mah le peng cio in Arm Force zong a um. Cucu hmun khat te funtom khawh nak ding ah .

#zalen

Crd- The Chin Post.