Covid-19 Kong Thei Bak Loin Thla 11 Hnu Ah A Zawtnak In Ai Thang.

A mak kho tak tak si, Tlangval 1 cu a zawtnak ruangah 11 chung ai hngilh. Covid-19 Pandamic chung vialte a rak i hngilh i zeidah Vawlei pumpi a rak cawl ter tu a si ti hmanh a thei lo.

 UK Teen Stepped Out Of 11-month Coma Uniformed About Covid-19 Pandemic

Joseph cu March 1 ah khan lam a rak i chawh lio ah Tutbury ah Accident a rak tong. Britain nih National Lockdown a rak tuah zarh 3 hlan ah Accident a rak ton hi a si. Mah kum 19 a si mi tlangval pa nih hin thla 11 chung cu Coma an ti mi zawtnak in hin zeihmanh thei lo in a rak i hngilh.

 UK Teen Stepped Out Of Coma Uniformed About Covid-19

Accident a rak ton ka ahhin Leicester General Hospital ah an rak ap. Kum cheu a um hnu ah Adderley Green ah a thluak lei zohkhenh dingin an va tthial. A zawt chung ah hin covid zawtnak hi voi 2 bak a rak kai ve. Voi 1 nak cu ai hngilh lio ah a si nain Doctor pawl nih an zohkhenh that ruangah a rak dam. A voi 2 nak cu a zawtnak in ai thangh hnu ah a si. A voi 2 nak zong cun a dam than thiam thiam ti a si.

 UK Teen Stepped Out Of Coma Uniformed About Covid-19

A zawtnak in ai thang cang ko nain a kut ke, cawlcangh te hna a hmaan rih lo, holh zong a holh kho rih lo ti theih a si. A si nain mit tthep le nih te tu in cun a chawn khawh cang hna ti theih a si fawn. Mah a zawtnak ruang ah hin phaisa zong tampi a dih nain mipi nih online fund raising in an bawmh hna caah tluang tein zohkhenh khawh a tong. Thlacamnak in Joseph hi rak bawm rih ko uh a dam thlu nak hnga tiah an chung khar nih vawlei mi vialte cu bia an cah hna.