Donald Trump Uar Tu Pawl An Thinhung Tak Tak Cang Hi.

Donald Trump uar tu pawl an thinhung taktak cang hi. A tu hi Arizona vote rel nak hmun ah Trump uar tu mipi taktak an chuak cang. Trump uar tu pawl nih hi Election hi i hlennak a si tiah an au len cang, a linsa ngai cang. A tu hi Donald Trump zong a thinhung taktak. Kan theih cio bantuk in Donald Trump hi diknak a duhmi asi caah thil diklo taktak le i hlennak i kal pi hi a duh lo taktak mi asi. Tutan election ah hin voter fraud an um tiah a lungtlin lo nak cu a langhter peng.

Trump Uar tu pawl tampi cu Maricopa County Tabulation and Election Center (MCTEC), in Phoenix, Arizon ah an chuak cio hna i hi election hi i hlen nak a si tiah an au len. An duh lo nak an langhter. Arizona lawng an buai lo. New York zong ah palik nih minung 50 bak an tlaih cang. Portland zong ah minung 10 an tlaih cang fawn. A buai ngaingai.

(Mah capar hi van rel chap) Machigan cu an buai ngai cang. A tu hi Vote rel nak hmun Detroit cu mipi nih an hmuh khawh lo nak ding ah a lenglei in block dih a si cang. Palik pawl cu an i ralring bak cang. Poll watchers pawl cu ballot rel nak hmun area ah luh dih an i tim asinain Palik pawl ralring tein an ven ve peng. Protestor pawl nih an vote rel lio mi cu rel ti lo ding bak in an ti hna.

Hi buainak kong hi Donald Trump nih tunai te a van share mi asi. Mah ti hin Trump nih a chim,”Detroit Absentee Ballot Counting Chaos, Blocked Windows and Observer” tiah vote rel nak hmun Detroit cu a buai ngaingai nak kong a van langhter. A ruang bik si dawh a simi cu a hram thawk lei ah Trump nih a tei ngaingai a sinain a dongh lei tu ahcun Biden nih a van tei diam. Mah ruang ah hin a si kho.

Matt Finn, Fox News producer nih mah ti hin a chim, “thlalang cheukhat pawl hi block dih an si. Mi cheukhat pawl cu zeiruang ah dah an block timi ka hal hna i, fiang tein aa ka let kho mi an um lo. Poll workers cheukhat pawl nihcun hi room ah hin republican le Democrats pawl an thil tuah ning a fair tawk lo tiah an ka chim” tiah a tial.

Source : Breitbart