Dr. Sasa Cu Ho Dah A Si?

(Founder and CEO of Health and Hope Myanmar)
Febuary 22.2021 khan NLD nawlneih nak sang bik CRPH aiawh tu dingah UN nih a thim mi asi.

Khuate,Laileipi khua, Matupi Chin State ih a um mi asi. Kum khatah voi khat hrawng lawng ai kholh tawn mi, an khua mi pawl nih mi lungkhat phur ( mi lungthin tlamtling lo ) ah an ruah mi, an neek ngai mi asi.

Dr.Sasa chuah ni thla le kum hi ho hmanh nih fiang ten an thei lo. A nu an hal zongah hitin a leh hna – A chuah zingah Ruah pi a sur tiin a chim. Cu ruangah cun Zing ih ruahpi a sur poh cun Dr.Sasa chuahni a si ko ☺ . A nu hi cathiam a si lo a Pa belte cu Catang tangkhat ka awng a ti nain hohmanh nih an zum lo.an khuaah siang in a um lo ih nau char thiam ( Nurse ) zong an um lo . A chuah ni kum le thla a theih lo ruangah Siangin a kai zongah hin buai nak a tong tawn .

May be an image of 11 people, people standing and people sitting

Kum 13 a tlin in, an khuah cacawn peh zulh nak ding a um ti lo hleiah Tapung ( misual ) an um caah a hruk lio mi angki le bawngbi he lawng Yangon lei ah cacawn pehzulh dingin ai thawh. (Khawpi lei siangin kai ding hrat cu an khua pawl nih Ar an pek țhup.) A Kein Ni 20 chung a kal caah A siangin kai nak ding tiin Siangin Fee ( thawhburh) caah tiah an Ar pek mi zong cu lampi an thi viar)😢

May be an image of 2 people, people sitting, people standing and outdoors

Kum 1 ah voikhat hrawng pin ai kholh lo mi, Sam sau, hrik he 😁, Kawlholh pelpawi zong thiamlo, Yangon a va phak cun, Bus pu ( Motor Driver ) pawl nih mifir misualah an rel tawn ih Bus chung hnain voitam lak te an chuah hram ter tawn. Har nak le buai nak voi tam tuk tong ko hmahnsehlaw, Rian țuan ding a ummi poh lungdong lo tein a țuan pah peng buin, 1997 Kum ah Catang tang 10 a awng. College kal colh a duh ko nain College an khar lio te a si caah an khua Laileipi ah a va tlung ta.

May be an image of 1 person, child, standing, tree and outdoors

Khuapi Yangon ah siangin va kai in tanghra awng hrat cu an khua pawl nih an fanau le cachimh dingah ah an rak fial tuk caah Kum 2 chung cu cachim tu Saya a țuan piak hna. Khua a um lio ah Zawtnak hmete ruang tehna ih mi tampi an thih, Sianghngakchia 3 voikhat thih ah chungtlik ruang ih an thih, an chungkhat Nu ni 5 chung nau nganfah a tuar hnuah nau nei kho loin a thih tehna a hmuh tikah a lung a faak tuk ih Doctor cawng ding in timtuahnak biachah nak a nei.

1999 ah cun khuami pawl i lungrual in Delhi ih siangin va kai ter ding in an kuat. Yangon a kal tan ih khuami nih Ar an kenh bantuk khan Ar an kenh țhup țhan. Ar pawl cu i phurh nolh in Delhi lei panh cun ai thawh țhan. Rampi ralkap pawl nih Ar fir hmangah an ruah ih a Ar pawl cu an tlaih piak di_a mah cu thong ah ( lockup )ah an thlak. A sinain Zeiti le zeitin dek Pathian dawt nak le vel thawngin New Delhi cu dam ten a phan. College admission caah hman a herh mi kawlhawl in tuaktan nak a nei colh. College campus ah, Western Dress he lo cun luh an sian lo caah tangka a neih chun tein ‘ a man ai deng mi bawngbi a vai cawk. a tangka neih chun te ek pet in bawngbi ai cawk mi cu “Nu” bawngbi a rak si ai 😂. Angki zong cu a hawipa ta ai hlan mi siih tet pingpeng tein ai aih. Cuticun angki tet tak i aih in le Nu bawngbi i hruk buin cun College cu a va kal tikah , College Principal nih khan ai thuamh ning a hmuh tikah “Nu Dok” ( tuai ) ah a rel ih College luh a rak senh loh. College 33 bak a nawl hna hnuah College pakhat nih an rak pom. A Mark nih Doctor cawng ding ah a tlinh caah Doctor cawn ding cun ai timtuah. Cuticun vanthat ah Prospect Burma he an van i pehtlia kho.( Prospect Burma cu – Daw Aung Suu Kyi ih Nobel Peace Prize in phuaih pakhat an dirh mi New Delhi ah Myanmar minung, sianghngakchia harnak a tong mi pawl bawmhchanh nak a si.hi siangin nih hin English le Conputer a lak in an cawnpiak hna pinah sifak khun hna caah ca uk man le cacawn nakah a biapi mi Scholarship tepawl an pek piak tawn hna. )

May be an image of 3 people, people standing and people sitting

Vanțhatah, Prospect Burma nih Sasa cu Ramdangah siangin kai dingin Sponsor nak an tuak tan piak. Ramdang London, tehna ah kuat duh tuk hmanh hna sehlaw an Bugget nih a tlinh ve lo caah Chawva heuliou ai nin deuh nak Armenia ah an kuat. Sponsor ti ah Siangin kai man lawng an tum ( zoh) lai. Um nak in man, ei le din, a herh mi dang vialte cu a mah te i tum ding asi. Cucun, A cawnmi voi khat a sungh sual ahcun Siangin a pehzulh kho ti lailò.

Armenia a va phak cun rian a um mi poh a țuan colh. Lamkam tehna’ah țuan pah in biatak tein ca cu a cawng. Nikhat cu nu pakhat nih ‘heh motor cawk nakah tiin Dollar 5000 cu a pek’ .a lawm tuk hringhran. In lei a panh in a kal pah hnaah Motor kai cawk lai ih Armenia Nūngak dawhdawh ka phurh hna lai heti tehna teh a va saduhthat lai. Cuvialte ai lawmh nak le a saduhthah mi pawl cu voikhat loh ah zanmang bang an lo dih ai. An khuaah ‘ti’ a har tuk. Ti than dingah lamhla pipi ah kal ring” a si kong tehna cu a hnathlamah le a mitthlamah a van cuang.

Cuticun Motor i cawk loin an khua le a khua pawngkam hna caah Ti’in le tipep ( Pipe ) cawk nakah tiin tangka cu a kuat hna.
>May be an image of 2 people, people standing and suit

To be continued Part 2 >>>>>>>>>>>

Rak share cio ulaw.

Credit: Justin Mizo

Translate by Um Har Phen MK.