Federal Foreign Minister Heiko Maas Biacah Mi Hi A Hmaan Kho Tak Tak Si.

Kawlram buainak hi kan zoh sawhsawh ding a si ti lo, nam deuh cu a hau. Pawngkam ram hna nih Kawlram ah thil a cang lio mi hi an in theihter duh lo pinah cheukhat cu Democracy kilveng ding hmanh an lungah a um lo.

A tu hi can tlawmpal te chungah ralkap nih 500 leng an thah cang. Mahtin a si ahcun Southeast Asian ramchung buainak achuah te khawh mi a si. Kawlram kong ah aa celh lio mi ram ngan hna nih ASEAN he ruahtti in hmalaknak ngan deuh angei a hau cang. tiah Germany ramdang pehtlainak vuanci Heiko Maas nih Funke Media sinah a chimh.

Relchap: An Tuhning Bangin An Zun Thluahmah Cang Hih!!

Tamu Ralkap Motor Bomb Puahnak ah Ralkap 4 an Thi.

Nihin zanlei sml. 3:30 hrawng ah Tamu khua i, Asia Lampi cung ah a ummi Aungdawmu Pura pawng ah ralkap motor a puak i ralkap 4 an thi, tiah Tamu khuami pakhat nih DVB ah an chim. Ralkap motor a puah lecangka in Aungdawmu Pura kiangkap cu ralkap nih caan saupi meithal in kahthlorh in an kah. Zaanlei sml. 5:30 hrawng ah ralkap cu an kir tthan.

A thimi ralkap pakhat ruak zong Aungdawmu pura kutka pawng ah an kaltak i zaan tiangpi cuticun a um ko, tiah a cunglei Tamu khuami nih a chim. Nihin zinglei zong ah Tamu khua i palik check point pahnih mei an khangh i meithat zung pakhat zong mipi nih an lak.

Crd- The Chin Journal

Relchap: Zualko (R.I.P) Rev. Ram Hei Hringtu Nu Pi Doi Tlem nih Mual a kan Liamtak Ee..

Rev. Ram Hei Hringtu Nu Pi Doi Tlem nih Mual a kan Liamtak.

Hakha, Bethel Baptist Church ah Associte Senior Pastor a simi Rev. Ram Hei i hringtu nu Pi Doi Tlem (kum 88) nih nihin ah mual a kan liamtak. An umnak Auto sang ah ruakhumhnak an tuah i thlaanhmun No. 1 ah ruak an thlak lai, tiah kan theih.

Crd- The Chin Journal.

Relchap: Kut beng cio usih….Kachin Ram Palik Nih Sung A Khaan Bak Ko Hih!!

Kachin Ram Palik Sakhaan ah “Kan Kap Hlah U” timi Langhternak Thantar Raang an Tun.

Kachin ramkulh, Phakanh peng, Sankha khua pawng i Yadana Shwe Aik company ah hmun a khuarmi palik pawl nih rak kan kap hlah u timi langhternak ah thantar raang cu nihin April 3 ah an sakhaan ah an tun. March 28 thawk in Phakanh peng chung palik sakhaan pawl KIA nih nitin in an luh hnawh hna i palik 30 hrawng an thah cang hna, tiah Kachin tualchung media pawl nih an langhter.

The Chin Journal

Relchap: Kalay ah Lamzawhtu Tlaihmi le Ralkap Tlaihmi Minung Thlennak an Tuah

April 3 ah Kalaymyo lamzawhtu hna le Myanmar ralhrang ralkap karlak ah tlaihmi minung thlennak an tuah, tiah thawng kan theih.
Mipi lei ttuanvo ngeitu pakhat nih, “Ralkap nih tlaihmi minung kan i thleng hna lai tiah a kan hal zungzal. Zinglei ah minung 2 an rak thlah. Cun, zaanlei ah minung 6 an thlah tthan hna. Nizan zong ah khan minung pakhat an thlah,” tiah a chim.
Ralkap lei nih an tlaihmi minung 9 an thlah hna caah mipi lei zong nih minung 6 nihin ah an thlahpiak ve hna.
Mipi nih an rak tlaihmi hna hi traffic police minung 5, palik 1 le Dalan 1 an si i, cu chung ah cun minung 6 nihin ah an thlah ve hna hi a si.

The Chin Journal