Fianter Nak A Tuah Kho Mi Poah Sin Ah $1million Ka Pek Hna Lai

Texas Lt. Gov Dan Pattrick nih Tuesday ah khan 2020 Presidential Election ah Voter Fraud a um tiah a thei mi paoh cu $1 million bak ka pek hna lai tiah a chim cang. Texas Lt.Gov Dan Pattrick nih hin Donald Trump cu ka support tiah a chim. Cu lawng siloin Trump nih dik lo tuk in vote thlak mi an um maw um lo tiah theih a duhmi hi thil tha taktak asi. Hmailei kan ram caah democracy kan kilven khawhnak ca le US Election cu zumh awk tlak a si khawh nak hnga tiah a chim fawn.

Texas Lt. Gov Dan Pattrick nihcun, “President Trump nih Presidential election ah voter fraud an um maw timi a fian khawhnak hnga le legal vote lawng rel ding le illegal vote paoh cu rel lo dingin a thazang dih lak a chuah hi ka support bak ve.” Tiah press release ah a chim. Trump nih voter Fraud pawl a dawi mi hna hi tutan Election lawng lawng ah a biapi lo. Kan Hmailei caah kan ram democracy kilven nak ca le kan hmailei election tik zong ah Zumh awk tlakmi election a si khawhnak hnga a biapi taktak tiah a chim.

Texas Lt. Gov Dan Pattrick hi Trump bantuk in diktak a dir pi bakmi a si ve. Mah cacun Trump a dir pi nak a ruang bik cu a si. Hi thil a tuah mi hi Trump ca lawng ah a si lo. US Election ah diknak nih teinak a hmuh khawhnak hnga le US Election cu hmai lei caan ah Zumh awk tlak a si khawhnak hnga a tuah mi asi. Voter Fraud a thei mi sin paoh ah $1million ka pek lai a ti bak ko hi. Laimi chungin nan um ahcun $1million bak nan don khawh ko lai hi. FoxNew

(Mah capar hi van rel chap) United States Department of Justice i Lutlai bik Attorney General William Barr nih Vote Diklo Thlakmi kong ah lathlainak tuah dingin Federal Posecutor hna sinah nawlngeihnak a pek cang hna. Attorney General William Barr nih US election 2020 ah vote thlak ning i thil dik lo le fello a um tiah an chimmi cu hlathlainak tuah dingin federal prosecutor hna sinah nawlngeihnak a pek cang hna. United States Attorney General (AG) hi Sihni pakhat men men a si lo. US rampi i ram uknak phungle phai lei United States Department of Justice timi bu hi lutlaibik a si. Cun US federal cozah zong ah Chief Lawyer bak a si rih.

Hi lawng si rih loin United State a biapi tak takmi cozah uktu Cabinet member zong an si chih rih. Attorney General William Barr hi US President Trump nih a rak chiahmi a si. US President nih US Senate he thimmi an si. Phungphai kong ah nawlneitu sangbik a si.
Cawn nikhat ni zanlei khan Barr nih memo a kuatnak ah December thla ah election result fehter asi hlan hrimhrim ah Justice department prosecutor hna cu thildik chuah pi dingin le vote thlaknak ah i hlennak a um tiah an chim mi cu hlathlainak tuah dingin nawl a chuah. Asinain ruahdamhnak phun le hramhram in thilti mi hna cu federal hlathlainak caah i chirhchantlak asi lai lo tiah a chim chih fawn.

President Trump le amah pumpak attorney Rudy Giuliani nih vote thlak ning ah thil felfai lo a um hrimhrim bantuk in a chim i, Trump tanhtu hna nih hi thil hi an auchuah pi peng i finfiahnak fek le um fawn tung lo in state tampi ah US election 2020 ah i hleithawinak a um ticu biatak tein an auchuah pi fawn. Mah lio ahcun Donald Trump nihcun state zeimawzat ah Joe Biden he an i zuamnak vote tlak ning cu zohthan asi khawhnak dingah case a tuah than ve . Biden nih zarhte ni ah khan Nevada le Pennsylvania ah teinak a hmuh hnu khan US president dirhmun la kho dingin electoral vote ah Trump a lonh. A tu in hmailei ah hin zeidah an lawh te lai ti cu chim chung khawh asi lo i, an sining le cawlcangh tu cuan rih ko hna usih. Source: API, Daily Mail

Biden nih a tei thai lai maw? US President thimnak vote an rel thlu deng cang. Atu tiang ah cun Biden nih toden 290 a hmuh tiah media pawl nih an thanh chung. Official nih thanhmi cu a si rih lo. Georgia, N. Carolina, le Alaska i ai teimi hi an phuang duh rih lo. Arizona zong Biden nih a tei tiah an ruah cang nain Trump vote hmuh mi zat a karh deuh ve i Biden nih 15432 lawng in a thlau cang. Vote rel ding 77000 hrawng a um rih an ti. Cucaah, Arizona ah hin aho nih dah a tei thai te lai ti chim khawh cu a si tuk rih lo.

Atu ning in cun Trump nih George, N. Carolina, Alaska, le Arizona ah tei dih ko hmanh seh law toden 259 a hmuh lai i 270 a tling hlei lo. Cucaah, an i tluk ngai nak state dang Wisconsin le Pennsylvania ah a tei hrimhrim rih a hau. WI le PA ah hin Biden nih 98% an rel cangmi ah vote 20540 le 45475 in a thlau rih. Trump nih a tei kho ṭhan hnga maw ti hi ruah awk ngai cu a si.
President Trump caah ruahchannak pakhat a um ve rihmi cu court i legal challenge (lawsuits) an tuahmi hi a si. Cabawm in vote thlakmi (Mail in ballots) an tawlrel ning le phungning lo i vote thlakmi le vote rel ning kong tbt. ah thil dik lo (fraud le irregularities) a ummi an hmuh/theih khawh i court i an chuahpi khawh ahcun thil sining ai thleng ṭhan khomi cu a si ko. Nain, cuhlan i rak ton cangmi thil sining zohchih tikah court biakhiahnak in 2020 US Election result hi a dih ding cu zumh a um tuk lo. Lungsau in hngah rih tu cu a hau ko lai.

Zarh thum chung ah President Trump le a team nih VERY SOLID EVIDENCE an hmuh khawhmi court ah an chuahpi khawh a hau lai. Zumh awktlak taktak thil diklo tuahmi an hmuh khawh lo i Court nih a ceihpiak duh hna lo (denied) ahcun President Trump nih thachia ngai in ka sung ko ti a cohlan i CONGRATULATIONS President Elected Joe Biden tiah a phuan hau te ko lai.
State cio nih vote an relmi result hi a hnubik December 8 hlan ah an fehter a hau lai i December 14 ah electors pawl nih vote an pek cio lai i President hi an thim lai. Electors pawl nih vote an pekmi hi Congress nih an cohlan (approved an tuah) hnu ah President thimmi hi January 20 ah biakamnak (Oath) tuahter a si telai. –Source: The Chin Voi