Georgia US Senate Election Cu A Linsa Tuk Cang.

November 3 ah khan Georgia ah US Senate Election neih a si. Hohmanh nih majority an ngah khawh lo caah runoffs neih than an hau. Majority ngah dingin vote ah 50% cunglei hmuh a hau mi asi. A tu US senate result hi Democrats nih 48 an hmuh lio ah Republican nih 50 an hmuh. Majority ngah khawhnak ding ahcun 51 seats an ngah a hau. Mah cacun hohmanh nih Majority ngah kho mi an um lo caah runoff a um a hau. A sullam cu majority ngah khomi an um lo ahcun vote a hmu tam bik pa2 hna nih runoff an neih a hau ti nak khi asi.

Georgia US Senate race(runoff) a nei dingmi hna hi Republican leiin senator David Perdue le Kelly Loeffler an si lai. Mah lio ahcun Democrats leiin Jon Ossoff le Raphael Warnock an si lai. An pa4 chung ah hin Senator David Perdue oponent ding hi challenger Jon Ossoff a si lai. Mah lio ahcun Republican senator Kelly Loeffler opponent ding hi Raphael Warnock a si ve fawn lai. Tuni in vote thlak khawh a si lai.

(A tawinak in kan van chim lai) Tutan runoff an neih dingmi hi a biapi taktak mi a si caah boruak zong a linsa taktak. Biden US President a tlin taktak asi zong ah tutan runoff i teinak an hmuh lo ahcun senate ah Republican lei nawl an ngeihnak cu an peh lai. Teinak an hmuh tu ahcun cozah an kut tang ah an chiah khawh lai. Mah cacun tutan runnoff hi a biapi taktak mi asi. Senate i teinak hmuh hi a biapi taktak. Cu lawng siloin Perdue le Loeffer nih Jon Ossoff or Raphael Warnock an tei a si ahcun Seante Majority Leader Mitch McConnell nih a rian cu a tlaih than khawh lai. Cu lio ahcun Ossoff and Warnock nih teinak an hmuh ve sual ahcun Senate Minority Leader Charles E. Schumer cu Majority leader ah a kai lai. Cu bantuk in thil a kal caah a biapi taktak.

The Washington Post