Good News : India nih Myanmar Mipi Dirh kamh le bawmh a timh rih ko.

India le Myanmar cu ram neih te an si bantuk in Myanmar harnak pakhat khat a ton caan paoh ah bawmhnak lei in India hi a thazaang a rak tha ngai tawn ve. Tuan deuh i Ti lianh in harnak a rak ton lio caan zongah khan India nih a rak bawmh ngai ngai ve. India ni chuah lei in a um mi North-Eastern an culture pawl le Chin, Kawlram a dang cheukhat hna zong an culture ai lawh pah tikah hin unau zoh bantuk tein an kan zoh ve.
Image result for indo myanmar relations

Coronavirus dohnak ca zong ah india nih Si le thil dang dang a herh mi he a rak bawmh peng. A tu hi bantuk in a hmaan lo tak tak mi Ralkap nih uknak an i cuh hnu zongah hin India nih ka bawmh khawh ning le a herh ning in bawmh khawh kai tim rih lai tiah a chim. UN member chung ah kan um ve bantuk in Myanmar a than cho khawh nak tha te in kan ngiat ve.Kawlram mi caah bawmhnak kut kan hlanh mi hi kan hlanh peng rih ko lai tiah a chim chap fawn.

Source;- HindustanTimes

 

Relchap, Min Aung Hlaing Chungkhar Pawl Cu Ramleng Ah An Zam Lai Timi Kong: Min Aung Hlaing chungkhar cu ramleng ah chuak ding thawngpang a lar ngaingai. Kawlram chung thawngpang theihning ahcun Min Aung Hlaing cu thinphang in a nupi le a fanu te chungkhar cu Russia ah zam dingin an si i, a fapa te chungkhar pawl cu Thailand ah zam dingin an timhtuahnak kong cu theih a si.

Min Aung Hlaing a fapa te chungkhar Thailand ah an zamhnak ruang bik cu a pa bawmh a herh caan ah bawmh khawh peng dingin nai deuhnak ram ah an zam tumnak a si tiah theih a si. Mah thawngpang a leng nak cu mitampi nih a dik ko tiah an ti i, cheukhat nih thawng dik a si lo tiah an um ve.

Min Aung Hlaing te chungkhar cu tuzarh chungah ramleng an chuak lai caah social media ah lang lo dingin le Facebook zarhkhat chung an phitnak zong a si tiah mipi tampi nih cun an chim.