Hakha ah Ralkap le Palik Nih Minung 5 An Velh Hna! (An Tuknak Hna Hi Rak Zoh Ve)

Tuzaan ah Ralkap le Palik nih kan chin mino 5 hna cu Hakha ah an tlaih hna i, an rak tuk, an rak velh hna, an tuk hna nak le an velh hna nak neh zong an taksa ah a lang dih cik cek. Laitlang chung bak ah mah tihin Ralkap le Palik nih mi an velh cang hna.

No photo description available.

Hakha, Chin Oo Sii , Zan Ralkap Duhlo langhternak an dih an tin lei ah The Chinland Post reporter tel in minung pa  5 an tlaih hna caah Hakha mino tampi an rak chuak. An tlaihmi hna cu an thlah tthan colh cang hna.Tlaih a tongmi hna lak ah minung pathum cu palik tanbo in an tuk hna pin ah an kuttum zong in an velh hna.

No photo description available.

Tlaih a tongmi minung pakhat nih, “Ka lu ah voi 2 an ka tuk. An ka tuk hnu ah palik/ralkap thilthuam aa hruak lomi minung pahnih nih mituknak an i kenmi fung in an ka cheh rih. Asinain, an ka kheng lo,” tiah a chim. A dang pa pakhat nih, “An ka vuak chih. An ka thongh chih. Asinain, ka zeihmanh a poi lo,” tiah a chim. Tukvelh a tongmi hna lak ah hliamhma fak ngaingai a pumi an um lo.

No photo description available.

Tlaih a tongmi pa panga hi Suhpawng zung chung ah an luhpi hna i, palik le ralkap pawl phone an i chawnh hnu ah a rauh hlan ah an thlah tthan colh hna.

No photo description available.

Crd- The Chin Journal/ The Chinland Post