Hakha CDF Nih Kawl Ralkap Warning An Pek Ve Colh Cang Hna!

Hakha ah Chinland Defense Force (CDF-Hakha) an Dirh i, Tlaihmi Vialte Thlah Dih Ding in Ralrin Peknak Cathanh an Chuah.”May 2, zaanlei sml. 4:00 tiang ah tlaihmi vialte (SAC nih) nan thlah hna lo ahcun sualnak ngei lo mipi runvennak ca ah CDF-Hakha nih a herh ning in dohdalnak pawl kan tuah lai,” tiah cathanh ah ralrin peknak an chuah.

May be an image of text

Crd- The Chin Journal.

Relchap: Lo Riantuan Pawl Seh Thilri Ralkap Nih An Hrawh Piak Dih Hna!

Lo Riantuan Pawl Thilri Rallokap Nih An Hrawh Piak Hna. Kalaymyo Myittha tiva in nichuah lei,lo riantuannak ah rallokap tampi an ra i riantuannak thilri pawl an hrawh tiah khuami pakhat nih a chim.

Lo Riantuan Pawl Thilri Rallokap Nih An Hrawh Piak Hna

Rallokap pawl nih hrawhhral mi pawl cu lei thuannak seh pakhat,Solar pahnih,cawleng a si i an zuatmi ar an lak hleiah tangka zong an lak piak hna tiah theih a si.

Hi bantuk in rallokap pawl an cawlcangh ruangah lo riantuan cheukhat le pawngkam khua pawl cu an zam. Tu caan hi pe le nihoipar lak caan a si nain rian an tuan ngam lo tiah theih a si.

Crd- The Chin Post.

Relchap: EU Nih Myanmar Ralkap Cohlang Loin CRPH le NUG Tu A Dir Pi.

Germany ramleng vuanci zung nih EU nih Myanmar ralkap (SAC) hi a cohlang hrimhrim lo. CRPH le NUG tu hi biatak tein kan bawmh lai tiah April 30 ah a chim.

April 30, zanlei 3:30 pm ah Germany ramleng vuanci zungin tuanvo ngei upa hna le NUG in a pahnihnak ramleng vuanci U Moe Zaw Oo cu tonnak an ngei. Cu tonnak ahcun U Moe Zaw Oo nih atu lioah Myanmar ah a cang cuahmahmi, nuhrin covo buarnak, NUG nih an i timhmi le riantuan an duhmi, EU ram hna ah a ummi CDM tuahtu hna kilven le zohkhehnhnak, ramri ah aa dormi ralzam hna bawmhnak, ASEAN hruaitu hna meeting le Germany le Myanmar ram hnih pehtlaihnak kong a chim.

Germany ramleng vuanci zung upa lei nih EU nih CRPH le NUG nih democracy le nuhrin covo kongah an i zuammi an cohlannak, Myanmar mipi hna caah bawmhnak an pek rih lainak le May 3 ah tuah dingmi G-7 meeting ah Myanmar buainak kong an ceih lainak kong an chim ve

Crd- The Chin Post.