Hakha-Falam Karlak ah Mino 4 Ralkap nih an Tlaih Hna!

Kan laitlang chungah za lawng tein i chawh hmanh a si kho ti lo ee. Nihin chun sml. 2:00 hrawng ah Hakha le Falam karlak (Laiva-Tlangzar karlak) ah Hakha mino 4 (Nu pahnih le pa pahnih) ralkap nih an tlaih hna, tiah thawng kan theih.

Tlaih a tongmi hna lak ah Hakha, Pyidawtha, Olive sang ah a ummi mino Phun Ceu Cin (kum 19) zong aa tel.
Tlangzar khua ah an hawipa thlah ding in an kalnak lampi ah ralkap nih an tlaih hna hi a si.

An pali in Falam palik sakhaan ah an chiah hna i, Falam palik nih, “Hmun dang ah zaam a timmi an si rua tiah ka ruah hna caah kan tlaihmi hna a si. Kan thlah tthan colh hna lai,” tiah chungkhar thawng an thanh hna.

Crd- The Chin Journal

Relchap: NUG Dirh Dingmi Federal Army ah Yangon Mino Timhcia An Si Cang!

Kawlram cozah hram hram in Ralkap nih an laak hnu ah, Mipi nih kan duh lo nak kan langhter si hmanhsehlaw kah le thah tu kan tong. Freedom hmuh nak dingah Kawl Ralkap cu hriamnam in doh long a tang cang tiah Federal Army sernak ding kong bia a chuak. Nizaan tihni te ahkhan Mipi Cozah NUG ser chung a si, a tu hi, Federal Army ralkap ser dingin an i timh cuahmah lio a si.

May be an image of one or more people, outdoors and text that says "FEDERAL FORCE"

NUG nih a dirh ding mi Federal Army mi ah i tel ding le ralhrang ralkap um ti loin a hrambawngh ding ah Yangon Mino timhcia an si.

Crd- Myanmar Now.

Relchap: KIA Nih Ralkap Sakhaan 2 Bak An Lak Than! (An Mak Law Law)!

Kachin ramkulh, Phakanh peng ah a ummi Myanmar ralkap sakhaan pahnih cu KIA nih April 18 zaan ah an lak hna, tiah theih a si.

April 18 ah KIA nih Phakanh peng chung i Myanmar ralkap sakhaan pali cu an doh i Nam Jan khua ah a ummi sakhaan le Tang Gau Bum timi tlaang cung ah a ummi sakhaan an lak hna.

Khuami pakhat nih, “Zaanlei sml. 5:00 hrawng khan khdohnak a chuak. Suimilam pakhat hrawng pehzul in an i kap i an i din. Cun, an i kap tthan. Myanmar ralkap sakhaan pahnih KIA nih an lak i atu hi a dang sakhan an doh tthan,” tiah Kachin thawngzamhnak ah a chim.

Sakhaan pahnih an lak hnu ah Tan Kaw Bum timi RC Thlacamnak tlaang ah hmun a khuarmi Myanmar ralkap le Ginsi Hall khua i ralkap sakhaan lak ding in KIA nih an doh cuahmah hna.

Myanmar ralkap lei nih Phakanh ralkap sakhaan tlaang cung in miakpi pawl hmang in a lang in KIA cu pehzul in an kah ve hna, tiah Kachin thawngzamhnak KNG nih a ttial.

Crd- The Chin Journal