Hakha- Gangaw- Kalay Lamtonnak ah Ralhran Bomb An Puah Hna!

March 4 chun ah Kalay in Hakha lei ah kai an tim tiah an zumhmi SAC ralkap motor 8 cu Gangaw peng chung Hakha-Gangaw-Kalay lei kalnak lamthum aa tonnak hmun ah bomb puah hnawh an tong, tiah Myanmar Now nih a ttial.

Gangaw khuami pakhat nih, “Kalay lei in a rak rami SAC ralkap motor 8 bomb in an puah hnawh. Gangaw peng chung i Hakha le Kalay lei kalnak lamtthen ah khan a si. Ralkap a thimi zong an um tiah an ti,” tiah a chim.
“Mah SAC ralkap motor pawl hi Hakha lei ah kal a timmi an si tiah kan zumh. Atu cu Gangaw khuachung ah an rak lut,” tiah a chim chap.

Crd- The Chin Journal

Relchap: SAC Ralkap “Sal Fimcawnnak” Tang ah Sianginn Kai Lo Ding in Hakha ah Cawlcanghnak An Tuah!

SAC Ralkap “Sal Fimcawnnak” Tang ah Sianginn Kai Lo Ding in Hakha ah Cacawnnak Cauk pawl Khanghnak an Tuah. Thaizing (May 5) hi Myanmar ram huap in sianginn le sianghleirun pawl on dih ding in SAC nih nawlpeknak a chuah caah Myanmar ramchung hmun kip ah “Ralkap Kut Tang Sal Fimcawnnak” kan duh lo timi cawlcanghnak a phunphun in an tuah cio hna.

May be an image of outdoorsMay be an image of outdoorsMay be an image of tree and outdoors

Hakha zong ah cacawnnak Text Book pawl khanghnak in le sianginn hauhruang ah muici sen in duhlo langhter cattialnak pawl an tuah i SAC nih a on dingmi cacawnnak ah ahohmanh kai lo ding in forhfialnak an tuah hna.

No photo description available.May be an image of outdoors

Crd- The Chin Journal.

Relchap: Ralhrang Helicopter KIA Nih Kah Thlak Hnu Ah Khuaruahhar In Kachin Ramah Ralhrang An I Chap!

Mumoh ah helicopter an kah hnu ah rallokap nih thazaang chap in fak ngai in an doh hna. March thla 25 ah KIA nih an lak mi Alaw Bum tlang umhmun cu lak than ding ah rallokap nih vawlei lei doh nak lawng si lo in vanlawng hna hmang in nitin pehtlai in an doh hna.

Mumoh peng chungah rallokap helicopter an kah khawh nak kong cu Kachin ralkap KIA rian ngei nih a chim. Kachin ramkulh Mumoh peng chungah rallokap helicopter an kah khawh hnu in , rallokap lei nih vanlawng lei bawm tu, hriam ngan hna cu hmang in le thazaang chap in fak ngai in an kah than caah mipi lei in minung pahnih an nun nak a liam tiah theih a si.

Nihin May 3,2021 zing suimilam 8 hrawng ah Mumoh peng MyoTit le Kunglaw kar ah rallokap helicopter cu an Kah khawh nak kong KIA lei biachim nak nawl ngei tu Tongmangham Naw Bu nih a chim. Cu helicopter an kah hnu ah MyoTit, Kunglaw le Sihat khua kiangkap ah rallokap nih vanlawng lei doh nak he hriamngan hna cu hmang in pehtlai in an doh hna tiah a chim.

Rallokap phu hna nih tu bantuk in fak ngai in kah doh ruang ah phungki pakhat le kum -60 hrawng a si mi pa an nunnak a liam tiah theih a si.Khua chung mi hna zong a tlawm bik para leng nih hliamhma an tuar tiah theih a si.

April 29 zong ah Mumoh peng cung KIA le ralhrang rallokap Brigade 77 fakngai in kahdoh nak a chuak i rallokap lei in minung 20 an nunnak a liam i an hriamnam pawl zong an lak khawh tiah KIA lei rian ngei pakhat nih a chim.

March thla 25 ah KIA nih an lak khawh mi Alawbum umhmun cu rallokap lei nih lakthan ding ah rallokap vawlei lei in le vanlawng in kah doh nak he nifatin pehtlai in an doh hna. Rallokap lei hriamtlai hna nih Kachin ramkulh lawng si lo in Kayin ramkulh zong ah vanlawng in an tuk hna.

April 27 zingka ah Thai- Myanmar ramri rallokap umhmun cu Kayin lei (KNU/KNLA) brigade 5 nih doh in an lak khawh hnu ah rallokap hriamtlai hna nih mipi hna cu tinh in vanlawng in kahdohnak an tuah. Dakuai khua minung 200 fai um nak hmun Kayin khua hna cu rallokap nih vanlawng in bomb an thlak hna caah Kayin mi hna ralzam dir hmun an phan.

Crd- The Chin Post.