Hakha Innwa bank ah riantuan mi Laipa CDM ah aa tel ca ah rian in an phuah!

Hakha Innwa bank ah rian a tuan mi Francis cu CDM ah aa tel ruang, February 17 zaanlei ah rian in an phuah tiah kan theih.

May be an image of 1 person, standing and road
“CDM an thokka Zarhteni in zung ka kai ti lo. Kan manager nih a ka auh i nikhatni in zung na rak kai lo ahcun cunglei ka chimh hna lai i rian in kan in phuah lai a ka ti. Nan duhning poh in ka tuah ko uh. CDM a dih hlan lo cu zung ka kai lai lo ka ti hna. Nizaan February 17 ah kan manager nih a ka chawnh i cunglei pek ding ah chuahnak ca rak tial a ka ti. Ka tial lai lo tihin ka chuah ko uh ka ti hna,” tiah CDM ah aa tel mi Innwa bank ah riantuantu Francis nih The Hakha Times ah a chim.
Innwa bank ah riantuantu dihlak an chuah mi telh in minung 11 an si. Innwa bank riantuantu ah Laimi nakin Kawlmi an tam deuh tiah kan theih.

No photo description available.

Thawngdang:-“Mei kaang a um sual nakhngalo thlacamnak in kan bawm hram u” Uar An Um Kho Tak Si!

Hakha khuapi hna nih Hakha ah dongcat lo tein sadahpiahnak an ngei kho peng i uar an um kho tak tak si. CDM zul in riantuan tu hna zong an rian in i din chung in, Ralkap uknak an duh lo nak cu an langh ter cio hna. Hakha Pastor hna zong nih an rak chuah pi ve hna. Riantuan tu kip nih Ralkap duhlonak langhter nak cu nikhat hnu nikhat in an langh ter thluah mah. Tu ni thursday zong ah Meithat tu hna nih an chuahpi hna ti kan theih hna.

May be an image of 3 people, people standing and outdoors

Hakha ah Ramkulh, Pengkomh le Peng Meithat Zung riantuantu minung 51 February 18 in CDM cawlcanghnak ah an i tel ve cang.

May be an image of one or more people, people standing and outdoors
“Lutlai deuh zong i tel kan duh dih ko nain thaal caan a si tik ah pa khathnih tal nih hngahlo ahcun ruahlopi inn kaang tibantuk a um tawn ca ah mizapi zawnruahnak he kan i hne ve ko. Atu hi Hakha Peng Meithat Zung hoi ahcun minung 4 hrawng lawng an taang. Mei kaang a um sual nakhngalo thlacamnak in kan bawm hram u,” tiah min langhter lo mi lutlai pakhat nih The Hakha Times ah a chim.

May be an image of one or more people, people standing, people sitting and outdoors

Hi bantuk in mipi cungah dawtnak le siaherh nak an ngeih chih mi kan hmuh tikah hin uar an um chin chin. Upat awk tlak hrim hrim an si.

May be an image of one or more people and outdoors