Hakha Nih 73nak Chin Miphun Ni Caah Thawngthanhnak A Tuah.

2021 Chin National Day , Lai Miphun ni cu, Ralkap uknak he aa ton ruangah kan tuah kho hna lai lo tiah ruah a si cio hna. Kan Miphun harnak tawn lio ah Miphun ni lawmh awk cu a tha hrim hrim lo sihmanhsehlaw Kan Miphun ni te cu kan dirpi ve mi a si caah i hmang kho ve ko seh tiin Hakha Ca le Nunphung Riantuannak bu nih tuah an i tim.

73nak Chin Miphun Ni Live in tuah a si lai
*********************************
Chin miphun ca ah kan ni sunglawi a si mi Chin Miphun Ni cu a ruang tampi ruang ah cozah lei nih 73nak CND cu tuah an i tim lo.
Chin Miphun Ni tuah lo ngaingai cu kan lung a nuamh hrimhrim lo ca ah, Hakha Ca le Nunphung Riantuannak Bu nih Live in tuah kan i tim.
Thlacamnak, ram hla saknak, Lai laam hmuhsaknak le biachimnak in a tanglei hmun, nithla le caan ah tuah a si lai.
A hmun : CACC Hall, Zahu Road, Dawrthar, Hakha.
Nithla : 2021 February 20
A caan : Zaanlei 2:00

A cung lei ca kha The Hakha Post ah thawngthanhnak an tuah.

Miphun nih harnak ton lio ah Miphun Ni lawmhnak caah hlasak le laam len hna cu a phung si lo tiah a chim mi zong an um pah len, Sihmanhsehlaw Kan miphun nih kan Ni kan dirpinak cu kan langhter ve a hau ko tiah Hakha Ca le Nunphung Riantuannak Bu in chungtel hna nih Live in tuah an kan timh piak nak hi a si.