Hriamnam tha an ngeih ve lo hmanh ah Pathian nih adirpi caah Chinram thlang lei CDF/CNA le Military ralhrang hna idohnak thawng pang tha asi,

Hriamnam tha an ngeih ve lo hmanh ah Pathian nih adirpi caah Chinram thlang lei CDF/CNA le Military ralhrang hna idohnak thawng pang tha asi,
Matupi le Paletwa karlak ah CDF/CNA miphun ralkap le Military ralhrang hna an idohnak ah cun hraimnam tha an ngei ve lo hmanh ah Bawipa nih an dirpi ruang ah ralhrang lei minung 20 hrawng thi in, minung 10 leng hna nih hliamhma an ngei tiah CDF thawngthanhtu pakhat sin in thei asi, CDF le CNA lei cu thi le hliamhma ngei mi an um lo tiah an ti, Bawipa nih umpi zungzal ko hna se.

CDF Matupi le Mindat hna fawnh in Military ralhrang hna he idoh/kahnak ah ralhrang lei minung 20 hrang thi in, minung 20 leng nih hliamhma an ngei fawn tiah thei asi, CDF lei thi le hliamhma ngei an um fawn lo tiah report nih cun alanghter mi asi, atu tan thlang lei laitlang ah idoh/kahnak ah hin ralhrang athi dih lak in minung 40 asi pin ah hliamhma ngei minung 30 leng asi tiah, CDF matupi thawngthanhnak nih alanghter mi asi, Bawipa he tanti zungzal ding ah zuam chinchin hna u sih.

Mah idoh/kahnak ah hin CDF/CNA hna cu Bawipa nih an umpi hna timi cu afiang ngai chinchin ko, hmun kip um mi kan miphun hna nih thlacam in bawm zungzal ding ah philh hlah u sih tiah nawl kan si fawn tiah Salai Bawi Len San thlacam bawm le lawmnak bia chim bu in mah thawngpang hi arak thanh mi asi. Idohnak ruang ah mipi hna cu ramtang ah minung 1100 hrawng an zam lio asi tiah thawngthanhnak ah an langhter mi asi.