IMF nih Myanmar $350 Million a kuat mi kong ah a thin a phang cang.

The International Monetary Fund, nih kan hnu zarh ah khan Myanmar Government cu $350 million a rak kuat. Cu $350 million a kuat mi cu Covid-19 Pulrai zawt nak zohkhenh nak ca i hman awk ah a kuat mi a rak si. 
       Tu zarh thawk ka bak ah Kawlram Ralkap nih Hruai tu Aung San Suu Kyi le a dang NLD official members pawl cu an tlaih dih hna tikah Kawlram chung mi long si loin Vawlei cung mi vialte zong an lau dih ve. IMF zong nih hin a kuat cia mi phaisa laak than nak ahhin nawl a ngei tuk lo. $350 million a rak kuat lio ah hin cu tin/ kha tin a si ahcun phaisa kan kuat mi ka lak than lai ti bantuk biakhiahnak zei hmanh a rak um lo.

      US President thar Joe Biden zong nih IMF lei he peh tlaih in phunglam thlen a duh mi a um caah a cawl cang rih lo nain Nichuah lei Asian Ram pawl hi a ngiat thluahmah ko hna. USA hi IMF he peh tlaih nak tha bik le ngan bik a ngei mi an si. A luan cia thla 7 chung ah khan $700 million bak Coronavirus zoh khenh nak ca’h ti’n Myanmar cu a rak kuat cang. A tu tan $350 million an kuat mi zong ahcun a cheu hrawng hi cu US nih tawlrel a laak mi a si.

       IMF nih hin coronavirus a chuah hnu hin Ram 80 bak Emergency financing in tawlrel a laak piak hna. A tu ruah lo pi in hi bantuk in Ralkap nih uknak an vun lak tik ahhin Phaisa hi a hmaan ning te in aa hmang kho hnga maw tiah an thin a phang ngai ko. (Tuesday) Ca cawn ni hnih ni ah khan Kawlram ralkap nih Than Nyein cu Central Bank zoh khenh tu ah a thim. Than Nyein hi 2007-2013 karlak, Ralkap nih rak uk lio i a rak thuan bal mi a si. Hi bantuk in Ralkap nih kawltam uk than an timh tik ahhin hmun dang dang in kawlram caah phaisa in a rak bawm tu hna zong hi an thin a phang ve cang.