Imphal to Mandalay le Bangkok international flight service ter tim asi,

Manipur chief minister N Biren Singh nih Imphal airport in UDAAN Scheme tang ah, Mandalay le Bangkok-ah international flight service ter tim a si kong a chim, Chief Minister nih Imphal International Airport cu North/East lei airport minung tamnak ah pathumnak asi kong zong a chim, airport thanchoter in terminal le air cargo terminal thar tuah tim in, hmalak lio asi cang ati, Manipur cu ASEAN ram hna caah, luh chuahnak hmun pawimawh bik asi tiin a chim fawn, Communication lei athat ah cun.

Sector dang dang – tourism, logistics, service, healthcare, education le IT lei ah, thanchonak le Air service lei ah tlamtlingter deuh deuh asi lai ati, Moreh tiang national highway sersiamnak rian zong awt zawk zawk asi te lai, Train/ Tlanglawng network zong nih, Manipur aphan cang ati fawn, Imphal pin lei deuh tlanglawng lam tuah chih than asi lai, Moreh-Tamu karlak tlanglawng lam tuah ning ding zong ruah asi cang fawn tiin a chim.

China ram ah Sichuanprovince chak lei Leshan Giant Buddha cu Meter 71-a sang siin, vawlei cung ah lungpi in tuah mi Buddha lem/zuk  lian bik le sang bik asi, Tang Siangpahrang lio ah khan C.E. 713-ah sak hram thawh asi, kum 90 chung bak an sak hnu ah dih khawh asi, vawlei thil mak chung ah a tel lo hmanh ah, arak lar ngai ngai khi asi tiah, naite ah khan Social media ah anrak post kha asi.

Italy ram ah Sizung pakhat ah kum 93 cu thih cang ding ah ruah asi ko, nain khuaruah har ngai in arak dam than, Sizung an umnak le Oxigen ventilation an hman nak man cu, Dr. pakhat nih $5000 pek ding asi tiah an chimh, Putar pa nih cun an bill pek ding azoh bak in a mit thli tla in atap! Dr pa nih Putar pa cu tangka pek ding a ngeih lo ruang ah lung rethei in atap mi maw si? tiin, bia nemte in duhsa tein a hal than khi asi, Putar pa nih a leh than mi bia chim ruang ah, Dr pa le mi dang dr le Nurse hna vialte cu, khup bil in an tap ve hna khi asi.

Cu Putar pa nih bia a chim mi cu, Tangka ngeih lo ruang ah mit thli tla asi lo, tangka ka chiah ve mi tlingte in ka ngei ko! Sihmanselaw kum 93 chung ah Oxigen man pek her lo in karak hmang cang mi vialte hna hi zeizat man dah asi lai? Can tlawmpal te chung ah Oxigen ka hman mi hmanh cu $5000 adih asi ah cun, kum 93 Oxigen man pek herh lo in karak hman mi le karak dam khawh mi, Bawipa Pathian sin ah Leiba tamtuk ka ngeih tinak asi! Vawikhat te hmanh aman aka hal bal lo, Cu dawtnak le zangfahnak karak philh le karak theih lo mi cu, atu bak ah hin ka fiang /theih ko tiah, duhsa tein a leh than nak asi.

Ka hawi hna nichiar in Kan Bawipa Pathian dawtnak le zangfahnak hi um hlah selaw, Nang le Kei hi kan nun/dam khawh kan si lai lo! Cu ruang ah cun, “Ka zangfahnak hi na caah a za ko! Or Ka vel hi na caah a za ko! II Korinth 12:9,