India Central acoyah nih Myanmar ram in azam mi ralzam hna cu Mizoram acoyah hruainak tang ah bawm ding in biakamnak angei cang tiah Chief minister nih ati,

Febuary1 in Myanmar ralkap hna nih mipi acoyah kut in nawlngeihnak cuh piak in, Myanmar ram chung ah ralkap acoyah tiah arak dir mi cu, mipi nih duh lo in lam zawhnak le aphun phun in langhternak arak ngeih, buainak asang chinchin ruang ah, Military council ralkap hna nih thazang hmang in mipi cung ah, hriamnam hmang in mi tampi tlaih le thah asi, khua hna tampi cu mei khangh piak asi, PDF le sualnak ngei lo nunau hna cung ah kut thlak in mi tampi thah le an tlaihhrem hna khi asi, van sang in Jet fighter le helicopter hna hmang in bomb an thlak fawn hna, mipi thin phang in anrak tuah tuk cang khi asi.

Mah lio ah mipi nih taksa himnak duh in Mizoram lei ah an zam hna, Mizoram le Chin State hi ramri kilometer  510 sau ngeih mi asi, Chin State in himnak kawl in mah le khua chuah tak in Mizoram chung ah mi tampi thawnghra leng cu an lut hna khi asi, cu pin ah MP/MLA hna zong zei maw zat an lut ve fawn tiah thei asi, mah refugees hna cu Kan unau Mizoram Unau hna nih an ti khawh tawh in anrak bawm hna khi asi, NGO’s dang dang hna nih bia tak tein anrak buaipi mi hi zeitik hmanh ah philh khawh asi ti lai lo.

Chin State in Mizoram chung ah himnak duh in azam mi hna cu, Mizoram hmun dang dang hna ah camp le In hna sak piak asi, NGO’s hna le VC, Political party lei zong nih an phak khawh tawk ceu in anrak bawm hna cang, an zohkhenhnak le bawmnak vialte hna ruang ah atu tiang harsatnak ngeih lo bak in an ei an din khawh mi asi, mah lio ah Mizoram acoyah hmalaknak bantuk cun bawm asi rih lo hmanh ah, an zoh sawh sawh ve lo timi fiannak ding ah atu tan Chief Minister Delhi ah atlawng mi kong ah ralzam mi hna kong ah zei dah a chim timi kan langhter lai.

Mizoram State Chief Minister Pu Zoramthanga nih naite ah khan, India Prime Minister Narendra Modi cu New Delhi ah an ton nak ah, ralzam kong an chimpi tiah thei asi, Kan unau zofa hna lung retheinak cu bawm ding ah aher ngai cang tiin, Mizoram acoyah nih cun central acoyah sin ah achim mi cu bawm an si lai tiin bia kamnak an ngei tiah thei arak si, mah cu ataktak in canter khawh siselaw lung lawmtuk ngai ngai ding khi asi.

India Central acoyah nih cun Mizoram ah ralzam mi hna bawm a duh ngai ko hmanh ah, U.N. Refugee Convention of 1951 and its 1967 Protocol,” ah signatory an si lo ruang direct in an bawm khawh lo khi asi, Mizoram hmun dang dang ah ralzam a um mi hna cu, minung 14000 leng hrawng an um, mah hna hi atu ah himnak ngeih lio asi, Sweden  acoyah aiawh hna nih cun Mizoram ah bawm aher mi bawmnak ding ah Red Cross Society kal tlang in Mizoram ah rak luh an timh cuahmah lio kong hi CM Pu Zormthanga  nih cun achim fawn khi asi.chuan a sawi bawk.

NGO dang dang le Village Council hna pin ah, Biaknak lei dang dang hna zong nih kan unau hna caah, hnipuan, Sii-ai, Umkheng hna le adang tampi aher ning in an bawm cuahmah lio khi asi tiah report ah langhter asi.