INDIA nih Kawl Ralkap Sinin Cakuat A hmuh.Ram dang zong a kuat cio hna tiah zumh a si.

Kawlram ah Ralkap nih hram hram in uknak an i cuh mi kong ah India Primes Minister Narendra Modi le US President Joe Biden nih bia an i ruah hnu ah, Kawl Ralkap nih India cu Cakuat a rak kuat tiah India external affairs ministry spokesperson Anurag Srivastava nih a chim.

Kawl Ralkap nih Zei ruang ahdah Thimmi Cozah cu kan tlaih hna ti mi a ruang fianhnak, ca India cu an rak kuat tiah a chim. India long si loin Ram dang dang hna zong a kuat cio hna lai tiah beisei a si ko. A ca ah zeidah aa tial ti le India nih zeitin dah a leh ti cu mipi sinah an chim chuak duh lo.

India nih cun, Feb 1  ah Kawl Ralkap nih Cozah laak hram an i thok te in khan, Ralkap uknak cu a ttanh ti hna lo. Kawlram nih Democracy tha tein a hmuh khawh nak long hi kan duh mi le kan i tinh mi cu a si ko tiah a chim fawn. India le Myanmar cu Ram naih te an si bantuk in, Miphun sinak ai khat pah mi le ai hrawm mi zong an tam pi,Kawlram Mipi duhnak le Ram thatnak ding ah hin kan mit kan chiah peng ko i kan chiah peng rih ko lai tiah Kawl Ralkap Cakuat mi cohlan lo nak bia cu a chim.

Source:- The Hindustan Times.