India President thim thar mi an um tawn nak In hi, rak zoh ve hmanh u, Ram le miphun adawt mi politician hi an rum bal lo,

India President thim thar mi an um tawn nak In hi, rak zoh ve hmanh u, Ram le miphun adawt mi politician hi an rum bal lo,

Tu kum India ram pumpi President thimnak ah miphun atlawm mi Tribal chung in atling bak mi asi, amui adawh, atung tlang atha, mirum asi ruang ah thim mi asi lo, a mui zoh ah hin khuate lei lo hlo muisam keng bak mi asi, asinak phun ah cu nasi taktak ko, asi nain, alung athiang, dinfelnak aduh, mah zawn raut phun asi lo, India rampi level bak ah ruahnak tha angei bak mi asi, Pasal nih athih tak cang pin ah fapa 2 nih athih tak fawn cang mi asi, Chin holh in kan chim ah cun Nuhmei/hmeithai dirhmun ah adir mi asi ko cu, Mrs Droupadi Murmu a um tawn nak an in hi rak zoh hmanh, mah hmun in India ram pumpi President arak si khawh mi cu, zei bantuk minung dah asi timi nak in, zei tluk in dah ram adawt sifak rethei bu in timi hi mi ngaihven hlawh ngai mi asi.

Bible Deuteranomy 24 ah achim bang in a mei ataw lei ah si lo in acung alu bik ah kan chiah lai tiah atimi bia hi, ataktak in Mrs Droupadi Murmu cung ah alang ko, a mui zoh ah hin hruaitu hotu duh tuk mi phun asi lo, Khrihfa hna nih Politic ramkhel tuah in mah le chungkhar hna zawn ruah in riantuan mi hna le eihmuar ngai ngai tawn mi lak ah cun, Khrihfa si lo mi Hindhu biaknak hmanh nih diknak, felnak, duh tuk lo nak, mah zawn ruat, mi dang cung ah ruahnak chia ngei phun hna hi Droupadi Murmu nih a huat bik cem asi, an minung le amui zoh ah hin uar ding le thangthat ding a um lo, Sihmanhselaw a lungthin thiannak le diknak angeih mi hi IMdia mipi nih an duh ruang ah an thim mi asi.

Mi fa hna nih cun ram khel politic hruaitu asi ruang ah sifak rethei ahuam bak mi asi, amah zawn ruah nak in ram zawn aruat tawn ruang ah asi, an umnak tawn an In picture ah kan hmuh bantuk hi asi, atu ah cun Rashtrapati Bhavan ah rooms 300 hrawng umnak hmun ah a um ve cang lai hih! India’s president-elect Droupadi Murmu hi a chuahnak cu Santhal tribe arak si, a in hi rak zoh hmanh cement tel bak lo in vawlei he a zut mi in ah, arak thang lian mi asi, Ramadevi Women’s College, Bhubaneswar school in graduate mi asi.

Ngapi/whale a luak mi cu lungtha ambergris an char 28 billion man bak asi,

Kerala, India-ah Nga tlai tawntu hna nih cun Ngapi/ whale luak mi (ambergris) an char khi asi, Rs.28 billion man bak asi, mah lungtha an char mi cu Vizhinjam pawng ah ambergris hi an char mi asi, Ambergris an char mi hi kg 28.400-a si, Friday ni zan lei ah khan an hmuhnak hmun in hnuk chuak in, Tipi pawng ah um mi Police hna sin ah pek cawlh hna tiah an ti.

Police hna nih an chim ning ah cun mah Ambergris cu achar tu hna nih, kan kut ah anrak chiah hnu ah, kan nih zong nih forest department lei hna kan chim than hnu ah an kut ah kan pek ve than hna khi asi tiin, coastal police nih cun Satur day ah khan PTI ah an chim, Forest department zong nih hin ambergris hi Rajiv Gandhi Centre for Biotechnology (RGCB)-ah whale/Ngapi luak taktak asi maw tiah fainter ding in an pek ve than hna tiah theih asi fawn.

Ambergris hi kg khat hi Rs.1 billion man asi an ti, mah bantuk thil hi zuar khawh asi lo acoyah nih an khamh bak mi asi an ti, India-zong ah Upadi nih a kham bak mi asi, whale hna hi atamtuk ti lo caah an cithlah hna hi atlau dih sual phan a um ngai mi saram pakhat bantuk in humhak mi asi, mahruang ah cun Wildlife Protection Act tang ah faktuk in venhimnak hi an tuah mi asi tiah thawng thanh nak nih atu bantukin alanghter mi asi.