India um Kawlram mi hna zong nih Sandah an piah ve cang!

Delhi: India ram chung i a um mi Kawlram mi hna nih Kawlram i thil a cang mi an duh lo nak an langh ter ve tak tak cang.

February, 5 , 12 :00 Pm chun lai ah khan Delhi khuachung i a um mi kan Laimi hna le kan kawlram unau hna nih Delhi khuachung ah Min Aung Hlaing nih a hmaan lo tak tak in uknak ai laak mi an duh lonak cu sandah bak va piah in an langh ter ve cang.

May be an image of one or more people, people standing, tree and outdoors

Hi sandah piahnak ah ai thawh mi hna hi a tlang pi cu (Refugees) Ralzam an si thlu dih. Community pawl hruainak he an i thawh cio hna i Bus 5  bak an khat thlu dih ti theih a si fawn. A dang tein mawtaw in a ra mi an um len rih. A milu in rel ahcun 500 reng lo bak an chuak kho.

May be an image of 1 person, standing, tree and outdoors

A tanglei ah hin Delhi ummi nih Sandah an piahnak Full Video in rak zoh ve. 
Credit: Johnny thawng


Mipi nih Kawl Ralkap an duh lonak cu fak piin an au i, Ralkap hruai tu Min Aung Hlaing a hmanthlak zong vawlei ah an ke bak in an lamh chih i ” Military, Down Down!!” tiah an aw pi dih lak he an duh lo nak le an huatnak cu fak piin an langh ter.

May be an image of 2 people, people standing and outdoors