Japan Ram ah Mei Kang Fakpi a Chuak.

Tunai te khan Japan ram ah mei kang ruangah buainak tampi a tlung. Minung 10 leng cu an thi  ding dirhmuh ah an dir tiah zumh a si. Hi thil hi Japan ram i Kyoto khuapi i a cangmi a si. Hi mei kangh a chuahnak hmun hi movie le cartoon pawl tuahnak video zung/Studio ah a si.

Minung 10 leng cu Studio i building i a dot hnihnak ah hin bok ko in an hmuh hna. Hi hna hi a rannak in chuahpi an si lo tikah an thi cang tiah nawlngeitu hna nih an zumh caah a si kho men tiah Reuters nih cun a langhter. Kyoda nih a chimning ah tutan ah minung 30 leng nih hliamhma an tuar i, minung 10 cu fak ngai in hliamhma an tuar tiah a langhter ve.

Hi mei kang a chuahnak a ruang hi kum 41 upa mipa pakaht nih Video tuahnak studio ah hin petrol a toih caah a si tiah ti a si.

Mipa hi amah zong hliamhma fak ngai aa huah i sizung ah zohkhenh colh a si. Hi pa nih studio mei in a kanghter hlan ah ‘ Thi’ tiah a au hmasa tiah a si. Hi kong hi breaking news a si i thawngpang fiang deuh kawl cuahmah lio a si.

Source: Reuters

Leave a Reply

Your email address will not be published. Required fields are marked *