Joe Biden Nih Tei Nak A Hmuh Bak I A Biachim Mi Cu A Mak Tak Tak.

Joe Biden cu US Presidency a ngah hnu ah mah bia bak hi a chim. Ruah lo piin a biachim mi theih tik ah uar a rak um taktak. Trump kan ttanh tuk ruang ah Biden hi kan huat bak hna. Asinain Biden hi uar a rak um tuk hring hran ko. A voi 46th nak caah US President ah thim a si cang. US President thim a si bak in mah bia hi a chim. A tanglei ah kan rak langhter.

Mah ti hin Joe Biden nih Teinak a hmuh bak in a chim, “America mipi vialte, kan ram ropi taktak mi hruai dingin nan ka thim caah kan upat tuk hna. Kan hmai i rian a um dingmi pawl hi a har bak hna lai. Asinain mah hi bia hi kan kamh hna(promise) : America mipi vialte (Americans) caah President ka si lai- nan ka vote zong vote lo zong ah. Keimah ah ruahchannak nan neih mi hi zeitik caan paoh ah ka theih peng lai.” tiah lunglawmhnak bia a chim.

(Mah capar hi van rel chap) Broadcaster CNN nih a langhter ning ahcun Biden nih Pennsylvania ah Trump a tei hnu ah President si nak (Presidency) a ngah cang tiah an langhter. Mah ti khan Joe Biden cu 46th President of the United States a si cang lai. Biden nih Presidency a ngah hlan deuh bak ah hin Trump nih tei nak a hmuh bia a chim ve i, “I WON THIS ELECTION, BY A LOT” tiah hi i thimnak ah hin a tam tam in teinak ka hmuh tiah a chim. Asinain a chim rau lo ah Biden nih Presidency a ngah nak kong hi an van thlah colh. A poi taktak si. Congratulations Biden ti a hau cang ne.

(Tuan deuh i kan tial mi kha a si) Trump nih fiang tak tak in Biden nih Diklo Tuk in Teinak a Phuan awk a si lo a ti cang. Trump nih cun hi ti hin a langhter. “Election zan khan State vialte ah vote tam tak tak in hmai ka fong. Asinain election dih hnu ni tlawmpal a van kal ciammam i an tlau dih. Asinain hi thil hi Phungning tein zoh a si hnu ah keimah nih hma ka hruai than lai tiah a chim. Cun a chim chap rih mi cu Joe Biden nih hin dik lo ngai in President rian hi a tuan awk a si lo. Keizong nih amah bantuk hin dik lo ngai in ka tuah khawh ve ko. Phungning tein zohfelnak (legal Proceeding) cu atu aa thok tiah a langhter.

Tunai te i Trump nih a van langhter rih mi cu ‘ Zeitindah ni 2 le ni 3 kar te ah hi tluk lawmmam vote hi cung ah a kai khawh, bia fiang theih a herh’ tiah a langhter.

Atu tiang Trum dirhmun cu hi ti hin a si.:- Trump nih teinak hmuh nak ding ah Vote 56 hmuh a hau . State 4 hna Georgia, Pennsylvania, Nevada le Arizona nih hin tutan President ding an thim lai tinak bantuk a si. Georgia ah 16 electoral college votes a um i result hi Friday hrawng ah lim khawh ding a si. 11,000 votes rel aa duh. Atu tiang ah 49.4% BIDEN – 2,449,582, 49.4% TRUMP – 2,448,485, Biden nih 99% vote relmi chungin 1,097 vote in a tei cang.

Pennsylvania – 20 electoral college votes, Result hi Friday ah lim dingin ruah a si, 140,000 votes rel ding aa duh, 49.2% BIDEN – 3,295,304, 49.6% TRUMP – 3,289,717, Biden nih vote 97% relmi chungin 5,587 vote in a tei. Nevada – 6 electoral college votes, Result hi Friday a dih zumh a si, 50,000 votes rel ding a um rih 49.4% BIDEN – 604,251, 48.5% TRUMP – 592,813, Biden nih 11,438 vote in 84% vote relmi chung in a tei. Arizona – 11 electoral college votes, Result expected Friday, 240,000 votes rel aa duh. 50.06%.

BIDEN – 1,528,319, 48.54% TRUMP – 1,482,062, Biden nih 46,257 vote in 90% votes relmi chung in a tei. Vote rel hi a dih rih lo nain Trump caah lam a har ngai cang. Biana ah Pennsylvania ah Biden nih tei selaw Biden nih a tei colh tinak a si cang. Source: Daily Mail