“Ka miphun hawi ca ah a tha bik in tuan kaa zuam lai”- Pu Ngun Sang Aung.

Ralkap nih mizapi thimmi Myanmar ram Cozah uknak cu a hramhram in an laak hnu ah Cozah thar an ser mi State Administration chung ah, 2010-2015 USDP cozah chan ah Sakremhnak Minister a rak tuan balmi Pu Ngun Sang Aung cu rian an khinh i amah lei zong nih a cohlan ko tiah theih a si.

May be an image of 1 person and indoor

Pu Ngun San Aung nih, “Ruah lo piin rian an vun ka khinh ve tik ah ka lau ngai ko. Ram le miphun ca ah a si khawh chung in riantuan timi hi kaa timh ca ah ka cohlan ve. Ka miphun hawi ca ah a tha bik in tuan kaa zuam lai,” tiah The Hakha Post ah a chim.
Tuzaan 2021 February 11 i ralkap nih an thanh ning ah Chin State Administrative Council member chungtel an thanh mi chung ah Hakha in Pu Ngun San Aung le Tedim in Pu Gu Suan Khai hna an i tel.
Pu Gu Suan Khai hi a hramthok ahcun a cohlang hna lo nain atu cu a cohlan than cang hna tiah kan theih.

Ref: The Hakha Post

Relchap:- 

Online thawngpang i thanh nak le i chawnh biak nak social media i a ngan bik mi pakhat a si ve mi Twitter, i CFO Ned Segal nih Donald Trump cu zeitik hmanh ah Twitter hmang ding in kan onh than ti lai lo tiah a chim.

Image result for ned segal

Kan phung kal ning cun, Mi pakhat Twitter in kan chuah hna ahcun kan chuah hna a si ko. Zei bantuk minung, Hruaitu, bawi le biachimtu an si hna hmanh ah, Twitter in kan chuah hna an si ahcun kan chuah thai hna a si ko tiah Twitter CFO Ned Segal nih tuni CNBC nih Interview an tuah nak ah a chim.

Twitter nih an rak ban hlan ahhin Donald Trump nih hin 80 million leng followers a rak ngeih hna. Donald Trump nih Twitter in thil a rak post mi ruang ah A ttanh tu hna nih january 6 ah US ram chung ah biatak tein buainak an rak chuah pi. Cu ruang ahcun Twitter le Facebook hna nih Donald Trump cu mah social media pawl chung cun an chuah i a hmang kho ti hna lo. Twitter CFO Ned Segal nih a chim ning cun, Donal Trump nih Hruaitu dir hmun ai cuh than hmanh ah Twitter cu hmang ding in kan onh ti hrim hrim lai lo tiah a chim.

Source:- NDTV.