Kala Pa nih Kawlram Bia A Cah Mi Hi A Tling Kho Tak Tak Si.

Delhi: India ummi mi kawlram mi nih February 5 , Delhi ah Sandah an piah lio ah, Director of South Asia Human Rights Documentation Center a si mi Ravi Nair nih kawlram caah hi bia hna hi a chim. A chim mi hi a tling kho tak tak si. Mifim ruahnak le biachim hi cu ai dang deuh hrim hrim ko. A chim mi bia cu a fiannak in tang lei ah kan rak langhter lai.

Kawlram i Ralkap cawlcangh nak hi tei hrim hrim a hau. A bik in kawlram i miphun hme mi hna caah, A bik in Chin mi hna, hlan lio piin kawlram Ralkap kut tang ah a tuar mi hna ca hrim hrim ahhin Ralkap cawlcangh nak hi tei a hau. CNF,CNA le Organisation a dang nih daihnak/remnak bia an chuahpi mi hna hi Kawl Ralkap nih an cohlang lai maw cohlang lai lo ti hi kan thei lo, an cohlan lai kan beisei ko. An cohlan duh lo ahcun,Kawlram Miphun hme hna caah harnak a tam chin chin lai. Cutin a si ahcun Europe le Ramdang hna nih Kawlram chung i company a chiah mi vialte hna cu an laak than dih hna lai. Kawlram caah company a dirhmi paoh cu an phih piak hna lai i dantatnak zong an i huah chap rih lai. Kawlram Ralkap uknak a duh lo mi hna nih Ralkap uknak an tei khawh nak ding caah US Congress nih Special Democracy Fund ser in Kawlram thatnak caah a cawlcang mi vialte hna cu a bawmh hna awk a si. Kawlram nih Democracy tha tein a hmuh hlan cu India zong nih Kawlram thancho nak caah a cawlcanghnak vialte a phih awk a si. India Ralkap le Myanmar Ralkap hawikomhnak le pehtlaihnak vialte zong Democracy a um hlan cu an phih awk a si. Aung San Suu Kyi le Parliament members pawl chuah dih colh ding in kan duh. Hi bantuk uknak tha lo hi Kawlram miphun cung ah i chia hlah seh a bik in Chin mi hna cungah i chia hlah seh.

Mirang holh a chimnak Video a tang ah:-
Credit:- Johnny Thawng.