Kan Baa Tuk Ko, Kan Rawl Zong a Tam, asinain Kan Tuah Hrimhrim a Herh

Kan Ram thatnak caah tiin tha baa le rawltam in lam hlat pi tiang, nauno hna he an kal khawh mi hna hi cu upat lo awk hrim hrim an ttha lo. An thinlung an ruahnak a thawng kho tak tak si. Hi nih hin a langhter mi cu zeitluk in dah rawlkap uknak kan duh lo zia fiang tak tak in a langh ter. Kan thaa a dih , harnak hma le thihnak kan ton zong ah kan Ram pi cu Ralkap uknak chung ah luh in a chiat lai kan siang hrim hrim lo ti, an lungput fiang khun in a lang.

Kan Baa Tuk Ko, Kan Rawl Zong a Tam, asinain Kan Tuah Hrimhrim a Herh

————–
Ralkap uknak duhlo lamzawh awkah Yangon khuahriang lei in zingka tein a tlawm bik meng 3-4 hrawng kee bak in a rak pokmi pawl hi zing rawl zong zeihmanh ei ta loin an i thawh tawn. Yangon khuachung lamkam ah tirawl a hlutu pawl nih eidin phunphun an pek hna i atu bantuk hin mahle siaremnak lamkam cio ah i dinh pah in an eiding hna. Nauno aa hruaimi le zung rianttuan tampi an i tel bang in mino tampi zong an i tel hna.

“Kan tha cu a baa tuk ta. Hi bantuk lamhla hi kam kal ballo nain ralkap uknak kan duhlo ruang ah kan tuah hrimhrim a herh timi lingput he kan rak i thawh tawn,” tiah Ywama ah a ummi nu pakhat nih a chim.

Ref:- The Chin Journal.