Kan Chinram Ah Hngakchia Kum 6 Te Nih Biakinn A Khangh !!

Chin Ramkulh Tauleng Khua I RC Biakinn Ciam Dihlak In A Kang

Chin ramkulh Tedim peng Tauleng khua ah St.Peter Biakinn cu March 31 zanlei suimilam 5 hrawngah ciam dihlak in a kang tiah April 5 ah biakinn kanghnak cu Online ah thlah a si.

Biakinn cu hngakchia kum 6 mi nih a khanghmi a si i biakinn kangh a fah tuk caah mipi nih an theih ahcun a kang dih cang. Biakinn kangh ruangah inn dang a tlaih chih theih a si lo i minung hliamtuar le nunnak liam an um lo tiah theih a si.
Hngakchia kum 6 nu le pa cu Zomi phung le lam bantuk in vok sumh 5 an liam hnu ah Khrihfa bu cu ngaihthiam an hal hna.

Tauleng khua cu inn 80 hrawng an si i St.Peter RC biakinn ah khrihfa bu inn 25 an um tu ah biakin thar sak dingin tan an la cuahmah lio a si i biakinn kanghkong ah bawmnak zong an hal tiah theih a si.

Crd- CP

Relchap: ThawngTtha : Yangon ah Mipi Runvengtu Ralkap Bu 2 an Ser Cang!!

Yangon ah Mipi Runvengtu Ralkap Bu 2 an Ser Cang.

May be an image of text that says "FEDERAL ARMY"

Yangon ramtthen, Dawpung peng le Kamayut peng ah mipi runvengtu ralkap bu hnih an ser cang, tiah kan theih. Dawpung peng i mipi ralkap bu hi “Dawpung Civil Defense Army” tiah min an pek i Kamayut i mipi ralkap bu hi “Kamayut Federal Defense Force” tiah min an pek.

Mipi runvengtu ralkap bu an dirh bang in an peng chung ah a rak lutmi ralkap pawl le dalan pawl zong an nunhim kong ah ttuanvo kan la lo, tiah thawng an thanh hna. Cun, Yangon ramtthen chung peng tampi ah Titoih Puai (Thingyan) tuah lo ding in mipi uknak lei nih an fial hna i Thingyan hla zong chuah lo ding in forhfialnak an tuah cuahmah.

Crd- The Chin Journal