Kan Lainu Anna Biak Tha Mawi Nih A Chim Mi Hi A Tling Kho Tak!(Thazaang I Laak Ve)

Mah bia chim ding in hin ka rak i tim lo. Hawi bantuk in Sandah piahnak ah ka hei aukhuang ve men ko, Sihmanhsehlaw ruah lo piin ka hawi le holh ngam lo in Ralkap nih Myanmar ah an chiah mi hna kong ka van ruah tik ah dai tein ka um kho lo i an mah ai ah hi bia hi ka chim.

Ka thin a phang i ka ngaih zong a chiat ruangah  Ka chim duh mi hi ka duh tluk in le ka thinlung nih a theih tluk in ka rak chim thiam lo. Cu ruangah cun a ca tu i ka rak ttial than lai.

“Aidii ka si, biazai tial tu le thiltahnak business Chin State, Myanmar ah a ngei mi ka si. US ah hin rak tlawn ta ding in ka rak ra nain Covid Pandamic ruang ah tlung kho lo in ka rak tang beh. Cu chap ah a tu ahhin kirnak Ram ngei lo mi dir hmun ah ka um.Kan ram(Myanmar) pi cu Ralkap nih an tlaih cang. Min Aung Hlaing le a ralkap hna nih a hmaan lo mi phung in cawlcangh nak an ngeih mi hi hak kauh le phung buar bak a si.

Cu long cu si loin Inn ah hnuk dinh lio mi thla 5 a si mi fapa te ka ngei rih. Cu ka fapa te cu kal tak riang mang in hi ka hmun ah ka rat hi Covid-19 virus ka tih lo ruang ah a si lo. Ralkap uknak virus ka tih ruang tu ah a si. Hmai lei ca ah ruahchannak le chunmang kan ngei, cu kan ngeih mi hna an hrawh ding cun ka cohlang kho lo.

Nizaan, livestream ah Thawngkhat reng lo mipi nih Hledan, Yangon ah sandah an piah nak ka hmuh. Tihnak in ka khat i ka thin a phang. Sihmanhsehlaw Democracy (USA) ah pei ka um cang cu “Mah tihin um ding si lo” tiah keimah tein kai hnem than. Kum 30 ka si cang nain tih phannak cu ka chung ah hin a tu tiang a um rih. Keimah bantuk in Kawlram i a um mi hna an chung zong ah tihphan nak ai tuam rih. Hi tihphan nak hi kan doh in kan tei hrim hrim a herh. Hi Ralkap uknak hi do kho dingin thazaang rak kan pe uh (Vawlei mi vial te  hna). Lungrual le hmun khat tein kan do ti ahcun teinak kan hmuh lai ka zumh ko”.

May be an image of one or more people, people standing and outdoors

Theihternak, Mirang ca in Aidii nih Facebook ah a post mi kan leh mi a si i, Kan tlin lonak le kan palh nak a tam pi lai. Theihthiam hal kan in nawl hna.