Kan Lainu Jenevy Sui le David Lai Zong Sandah Piah Ah An Chuak Ve Cang!

Tuni ah kan lai hlasak thiam Jenevy Sui le David Lai zong Sandah piahnak ah an chuak kho ve uar an um law law. A tang lei hmanthlak hna hi Jenevy Sui nih a tu ni ah Facebook ah a rak tar hna. A hmanthlak tar mi ahcun kan lai hla sak thiam a si ve mi David Lai zong kan hmuh khawh ve. Mi cheu min ngei a si nain dai zirziar in a um mi an si ve lo. Ram le Miphun caah tiin an chuak ve , Uar an um law law.

May be an image of one or more people, people standing and outdoors

May be an image of 4 people and people standing

Jenevy Sui hi kan lainu ahcun nusal bak a si. A bia zong in Ralkap uknak a rak duh lonak cu a rak langhter cang. A tu tan hrim hrim ahhin mah ti hin Sandah piah hna ah ttan biatak tein a laak ve hi uar a um kho tuk. Facebook hmanthlak a tar nak ah  hi ca, “Kan Leader kan duh, Democracy kan duh” ti hi a ttial chih. A tang lei ah “A dihdongh tiang hmunkhat tein kan do ti hna lai” tiah a tial chap rih.

May be an image of 6 people, people standing and text that says "WE WANT OUR LEADER FREE DAW AUN WANT OUR LEADER WE WANT OUR LEADER FREE AUNG FREE DAW AUNG GSAS"

May be an image of 5 people, people standing, outdoors and text that says "nE VE WANT EWANT OURLEADER t FREE ANGSAN AUNG WE NANT OURLEADER LEADER FREE DAW AUNG"

Hi bantuk in kan lai min thang hna nih ttan a vun laak ve tikah hin Mipi zong a hlei in an lung an thawn ter hna. Min ngei cia an si bantuk in an cawlcangh ve nak hi hmual zong a ngei. Thazaang pakhat le pakhat tu i pe cio leng mang ko hna usih.