Kan Laipa Rev.NC Thawng Tha Thang Hruainak in Minung 5000 reng lo an chuak!!

Rev. NC Thawng Tha Thang hruainak in MCYA mino 5000 renglo nih Ralkap uknak duhlo lamzawh
Yangon khualipi ah Rev. NC Thawng Tha Thang hruainak in Myanmar Christian Youth Alliance (MCYA) mino 5000 renglo nih 22-2-2021 ah Ralkap uknak duhlo langhter in lam an zawh, tiah kan theih.

May be an image of 1 person and standing
“Atu MCYA hi keimah nih ka hruai hna lio a si. Myanmar ramchung um Khrihfabu kip aa fonh mi Mino Bu pakhat a si. Nihin hi Myanmar Plazza in US Embassy tiang lam kan zawh lai ka ti nain, US ralkap nih an phiat ruang ah Singapore Embassy lei tu ah kan kal. US Embassy zong lam an hon bak in kan pehzulh than lai. Ca kan chiah mi zong leh ding in bia an kan tiam cang,” tiah Rev. NC Thawng Tha Thang nih The Hakha Times ah a chim.

May be an image of 1 person, standing and outdoors
A peh rih mi cu, “Pathian cu dinfelnak a tanh mi a si. Min Aung Hlaing nih nawlngeihnak a fir in a fir mi le dinlonak in a tuah mi thil cu mizapi nih kan hmuh ko ca ah kan doh ngam cio awk a si. Bible chung zong ah CDM a tuah mi tampi kan hmuh ko hna. Amah belte, Cozah riantuantu ca ahcun challenge a kan tuahtu taktak a si lai i an ca ah a har ngaingai ko lai. Asinain, anmah Cozah riantuantu hna hi kan bochan bik mi an si ko i mizapi zong nih dirpi peng hna usih,” ti zong a chim fawn.

May be an image of 1 person, standing and outdoors
Tutan Ralkap nih nawlngeihnak a laak a voi 3nak, Myanmar ramchung ah Khrihfa Biaknaklei upa hna, mino hna, Kawl biaknak, siseh, biaknak dangdang, Ramkheel party le Ramriantuan (politicians) hna lawng si loin, a bik in Cozah riantuantu le rammi mizapi nih lungrual taktak in CDM cawlcanghnak ah an luut hna.

May be an image of 1 person and standing

Crd: The Hakha Times.

May be an image of 2 people, people standing and outdoors