Kanram caah faktuk in rian katuan rih ko lai nalung donghter hlah u mu kasin ah Bawipa a um ko,

Zeihmanh hi saduhthah asi lo, thinphang lung retheinak atam ko hmanh ah, kan zoh/ruah asi ah cun san nih revolation hi akalpi can khi arak si, mah can hna hi mipi cung ah ahngat mi thil pakhat asi, mah cu thazang he solve ding in kar kan thlang cuahmah lio, nunnak thap tiang in ram caah lampi kan kal cuah mah lio, mah hna hi hnulei kong ah kan zoh ah cun Inchung ah, lampi ah, media tiang lam zawh le CDM tuah mi hna nih Nawlngeihnak duh lo in nunnak tampi kanrak liampi ko cang cu mu!

Nihin ni ah lam chuk cho ram caah Democracy uknak duh mi longte kan si cang bantuk in, mah le mipi vennak ding ah voluntary in kan ngeih mi tete hriamnam he hehset kan doh kan kah ve hna, mah lio ah hin lam cheu hrawng cu rian kan lim cang bantuk in alang, nain rian tampi tuah ding le tha zang tampi aherh rih, cun hriamnam tha deuh tal ngeih ve ning law tunak in hmailei kan panh deuh deuh ka zumh, mipi kan lungrualnak nih thazang akan pek, nunnak, hlanchuak he, mitthli he, thisen chuak he kan kal cuahmah lio ko kan timh mi ram kan phan hlan tiang kal ding kan ngei rih khi asi.

Zalongnak hi zeitluk in dah aman hi asung lawi ko mu, mipi hna nih mah can cu kan duh bik mi asi, aruang cu atu ah hin nuva ithennak aphan, nu le fanu ithennak aphan, pa le fa ithennak aphan cuahmah kan tuar ning hi Bawipa nih athei ko lai ka zumh, lung dong lo tein hmailei ah chungkhar iton thannak can kan hmuh te lai tiah beiseinak sang ngai ngei in, atu ah cun in le lo kan ngei ti lo, thiltha ralhrang nih akan fir piak dih cang fawn, ngeih mi zei hmanh a um tilo, vawlei long atang cang, mah vawlei tal cu ngah khawh kan duh caah nunnak le pum pek in kan thuat aher fawn, idin manh kan si lo, nunnak ka pek ko lai kan ram nih damnak ahmuh khawh hlan tiang kakal rih ko lai.

Mah revolation kantuah cuahmah lio hi zei ruang ah dah asi? kan ram caah mikip nih kantuah khawh mi poh poh hmang in tuahnak can arak si caah atu bantuk in ning cang lo in nawlngeihnak alak tu Military hi asung hlan tiang kan thuatnak can zong asi caah asi, Ahlan ah cun tlang cung hriam tlai pawl rian ah kan chiah atu ah cun ram chung mipi dih lak rian tuannak can kan ngeih khawh mi hi Bawipa khawkhannak zong asi lai tiah zumnak ka ngei, ngakchia le nu hna tiang nih kantuah khawh tawk le ram dang ah um cang mi hna he kan dih lak in ram le mipi venhimnak ca ding ah tanti khwah mi hi khatlei phun in kan ruah ah cun can sunglawi asi kan ti ko lai cu!

Revolation kan tuah lio can ah hin hna beidawng mi zong kan um ko lai nain, hna beidawng hrimhrim hlah u, kei Nu kasi ko hmanh ah adongh tiang uknak nawl alaktu Military ralhrang hna hi zei maw zat cu nunnak aliam ve ko cang kathuat thluahmah rih ko lai, mah idoh kahnak ah hin kahawi hna le katuanpi miphun ralkap mi raltha hna he tha pek ka duh rih ko, tampi harsatnak nan tuar timi hi afiang ko, kei zong katuar rih ko lai, na tha zang derter rih hlah mu, kan tangti rih ko lai, nang le kei hi mawhphurtu bik kan si rih ko mu hriamnam phun tling he kan doh rih ko lai kan kah rih ko lai kan thah rih ko lai, kan thuat rih ko lai, teitu kan si hrimhrim lai.

Muinak in Ceu nak ah kan phan te ko lai timi hi ataktak asi, Muinak a um lo ah cun Ceu nak a um kho lo, mah caah cun raltha bak in kar thlang rih hna usih U le nau, ka hawi le ka miphun hna, ka ram le ka mipi hna, ka khua le in le lo hna, ka chungkhar hna, nathin phang hlah uh mu, ram zalong le ram nuam ah kan tuah te lai, acan asau tuk ti lai lo, ram leng ah um mi u le nau hna thlacamtu in kan bawm peng ko uh mu, Nu ka si ko hmanh ah zeitik hmanh ah asung ka khan bal lai lo, Military kut chung ah ning cang lo in nawlngeihnak a um mi cu ka lak piak hrimhrim ko lai aherh ah cun ka nun zong ka pek ko lai, U le nau mangtha ko ne u, kan iton than te ko lai!

Cre : #CDF Min langter lo# Nu saltha asi,