Kawl Ralhrang Nih Biatak Tein Camp Victoria Hlathlai An Timh Si Cang Ko Lo Maw?

Lung biatak tein a hring ko cang. Kawl Rawlkap le CNF cu i tong ding in an i tim in Nizaan march 10 ah khan , tlangpi le hakha ah tonnak an rak ngei hna. Kawl Ralkap nih CNF cu nan camp ah kal kan duh ko tiah an hal hna, a hram thok ahcun, an rak el ko hna nain an hal tthan peng ruangah Kawl Ralkap cu CNF base Camp Victoria tiang bak an kal ter hna. Tu ni zong ah Camp Victoria lei kal tthan an i tim tiah kan theih. Camp Victoria theng te Kawl Ralhrang nih an panh duh peng nak hi, lung a hring ko, CNF power hlat hlai an timh thlu a si ko hnga lo maw tiah mi tampi sinah ruahnak a chuak cio. Mipi kan lungtling lo ngai ngai.

2021 March 10 CNF/A le kawl ralkap hna kaphnih ton biaruahnak an ngeih dih hnu kawl ralkap lei Camp Victoria ah an lan i nihin 2021 March 11 zong lan than an i tim tiah theih a si.
Hi kong he pehtlai in Tlanglo khua upa pakhat nih, “Nizaan kha kan khua ah an riak. Mehhang zong kan kawlpiak hna i tangka zong an kan pek. Cunglei nih Camp Victoria lei va tum than uh an kan ti ca ah tum kan i tim than tiah ralkap nih an ti. Atu hi CNA lei lamkaltu pakhat le ralkap lei bia an i ruah lio a si. A buai ngaingai ko,” tiah a chim.
Atu bantuk in ralkap nih Camp lei lan than an i timh ca ah khuami cheukhat an lungre a thei Hakha le Thantlang lei ah zaam hram aa thokmi zong an um cang tiah kan theih.

May be an image of one or more people, people standing and outdoors

Edit/
Atu hi Dr. Sui Khar zong Tlanglo a phan than cang. Bia an i ruah cuahmah. Thawngpang kan in thanh than te hna lai.

Crd: The Hakha Post.