Kawl Ralhrang Nih Malaysia ummi Kawlrammi Laak A Ngol Rih Lo!

Kawl Ralhrang nih Kawlram Cozah uknak a laak hnu in Malaysia ummi Kawlram mi hna cu a laak thluahmah cang hna. Malaysia lei nawngeitu hna he bia an i ruah i Malaysia lei zong nih kuat ding in an rak cohlan hna. UN nih Malaysia cu Kawlram buainak a daih hlan lo kawlrammi Malaysia ah umter rih ko hna a rak ti nain a kuat tho tho hna .April 19 ah Malaysia um Kawlram mi 156 cu ralhrang cozah vanlawng he kawlram ah a voi 77 nak kuat/hruai an si.

May be an image of one or more people, people standing and indoorMay be an image of one or more people and indoor

Photo: mmtruenews

Relchap: Thongchuak Pa nih Hakha Khuathar ah Motorcycle a Fir Than.

Motorcycle a rak fir ruang ah Kalay thonginn ah kum 2 a tla balmi pa Thawng Tha Lian (kum 25 hrawng) nih nihin zinglei sml. 7:00 hrawng ah Hakha Khuathar ah motorcycle aa zaampi tthan, tiah thawng kan theih.

Thawng Tha Lian hi Kalay thonginn in a chuah hnu ah Hakha Khuathar ah a rak phan i, Saya No Chum singinn ah Baibal a cawngmi ka si tiah Hakha Khuathar khuami pawl a hlen hna.

Khuathar upa pakhat nih, “Saya No Chum Baibal sianginn ah a kaimi ka si a kan ti. Saya No Chum nih Hakha tiang a rak ka thlah i Vambai khua lei kal nakding ah motor ticket cawk ka herh, motorcycle rak ka hlan ta u tiah a kan ti. Kan lung ttha lo i motorcycle cu kan hlanh,” tiah The Chin Journal ah a chim.

Motorcycle an hlanh hnu ah a rak chuak bal ti lo i, khuami nih an kawl tik ah Hakha Golf Club, Thantlang lei kalnak lam ah an vung tlaih khawh.

Thawng Tha Lian cu nihin zinglei sml. 9:00 hrawng ah Hakha palik nih sakhaan lei ah an kalpi cang, tiah a cunglei Khuathar upa nih a chim.

Crd- The Chin Journal