Kawl Ralkap An Sual Khawh Ning Hi A Mak. (+Video)

Kawl Ralkap an sual ti mi hi a theih men men long in a thei mi kan tam pi lai dah. Kan nu le kan pa tam deuh hna nih cun Kawl Ralkap an sual zia hi an mit hrim hrim in an hmuh an tawn cang hna. Thangthar seino pawl hna nih hin zei tluk in dah Kawl Ralkap an sual ti hi fiang tein an thei tuk lai lo dah. Kawl Ralkap nih khuate mi an rak nek ning hna hi zoh ve tuah. Hi bantuk in minung a si ve ko mi tuah to hi cu a tuar a har bak ko.

Kawl Ralkap nih hin kanmah Lai mi bantuk miphun hme hi biatak tein an nek khun hna. Khua te an duhnak paoh ah an rak kal in cuticun, Sa kan chuan piak uh tiah khuami pawl cu an rak hro hna i an fial tawn hna. Laimi sifak nih Ar le vok har ngai in kan i zuat mi hna zong an duhning paoh in an pawtam paoh ah kan thah piak uh tiah khuate mi pawl cu an hro tawn hna. El awk le an rak tha fawn lo, rak el ve hna ahcun ceilak in velh le vuak an rak tawng tawn. Cu long cu si loin khua pakhat in khua dang an i thawn ah khuami hna cu an thilrit phurh an rak fial tawn hna. Har ngai le baa ngai in hin Kawl Ralkap nih an rak kan chiah peng. Cu hlei ah thinphan nak le tihnakĀ  in khuate mi hna cu an kan khah ter tawn.

Theihternak: Video hi a thing a rak si cang nain, zeitluk in dah Kawl Ralkap an sual ti theihternak caah kan vun chiah than mi a si.