Kawl Ralkap Nih Thimnak Tuah Than Dingin Bia A Chuah!

Kawl Ralkap nih Election tuah than ding in le teinak a hmu mi nih uknak la ding in bia a chuah tiah TCP nih thawng a kan thanh.

Kawl Ralkap nih khuaruah har in uknak hmuh an vun duh nain an hmuh khoh lo tikah hram hram in hi bantuk in uknak hi thazaang le hriamnam hmang in an laak nak hi a si. Election lio zong ah Ralkap nih NLD vote pek ning hi a hman lo an zer in an tuah mi si ko lai tiah an rak ti hna i zung ah chuah pi ding tiang hmanh kha bia a rak chuak. Sihmanhsehlaw NLD nih Ralkap USDP cu tam tuk hrim hrim in a rak tei. An hnahchuah ruang le an hak kauh ruang ah hi bantuk in an sungh hnu ah hram hram in Mipi thim mi Uktu hna hi an tlaih hna hi a si.

UN nih Myanmar Mipi thimnak le duhnak cu a dir pi ve. Ralkap Uknak cu Vawlei cung mi tampi le UN hrim hrim nih an doh ve caah Ralkap nih a tu ni ah thawngthar a rak chim. A do tu an tam tuk i a thin a phang cang ko hih.

Atuni Kawl Ralkap nih tuahmi thawngfianternak ah, thimnak tuah than ding le teinak hmutu party sinah uknak up than dingin kawl ralkap lei nih biakamnak an pek. – The Chinland Post.