Kawlram Caan karlak Cozah Thar Ser A Si. (GOOD NEWS)

Kawlram Caan karlak Cozah thar ser a si. Pyidaungsu vuanci ah Chin miphun pa (2) an tel.

No photo description available.

16.4.2021

May be an image of text

Min Aung Hlaing nih rampi nawlngeihnak hramhram in a lak hnu ah 2020 rampi thimnak ah mipi nih thimhmi MP hna nih dirhmi Central Representative of Pyidaungsu Hluttaw-CRPH khuakhangnak in caan karlak Cozah- National Unity Government (NUG) cu 2021 April ni 16 ah dirh a si.

May be an image of 1 person

Mah cozah ah hin President, State Counsellor, Vice President, Vuancichoh le Vuanci thanah (11), an dihlak minung (15) he ser a sii, Chin mi pahnih (Dr. Sa Sa le Dr. Lian Hmung Sakhong) zong vuanci ah an tel.

Vuanci pa (11) tangah Duhvuanci pawl pa 12 an chiah, kan ram dirhmun zoh ah abiapi ngaimi rampi kilvennak lei tlaitu (Defence Minister) tangah Duhvuanci pa 2 an um.

Source: crph

Relchap: Ayeyarwaddy Ramthen Hna Nih Federal Army An Dirh! (Uar An Um Kho Tuk Ee.)

Ayeyarwaddy ah Mino hna nih Federal Army kan dirh cang tiah official tein Myanmar Now ah an chim. Ayeyarwaddy Mino hna nih hin Kawl Ralhrang nih Kawlram uknak an laak nak le mipi meithal in an kah an thah nak hna cu kan pom kho hrim hrim lo kan lungtling lo tiah an ti ruangah Ralkap cu kan doh hna lai tiah hi bantuk in hin Ayeyarwaddy Federal Army timi zong an dirhnak hi a si.

Ayeyarwaddy Fedral Army cu nihin 16 April ah official tein an dir cang. Facebook Page zong an i ser cang hna tiah theih a si. Ayeyarwaddy Mino hna chim ning cun, Tlangcung ralkap pawl hna he ttangti in ralhrang hi kan doh hrim hrim hna lai tiah an chim fawn. Uar an um kho tak tak si. An saduhthahnak lamthluan tluang hram ko seh.

Crd- Myanmar Now