Kawlram chung ah hriamtlai pawl EAO’s hna cu China nih Idea a pek bantuk in iton khwamnak an ngeih ralhrang pawl dirhmun ader thawng tuk cang,
Myanmar ram chung ah hriam tlai pawl lian bikbik ah ruah mi Ethnic Armed Oganizations “EAOs” tiah kan theih mi hna chung ah hin, Bu 7 hna cu United Wa State Army (UWSA) Headquarters umnakna, Wa State chung Panghsang khua-ah September alai fang hrawng ah khan, iton khawmnak meeting an ngei tiah theih asi, ram uknak a thlen khawhnak hnga tiah hmalak nak ding phunphun le an cawlcang ding system kong hna tiang ceih asi, thil tampi ceih asi ko nain Secret thil tampi phuan zar lo an ngei fawn khi asi.
UWSA pawl hi Myanmar EAOs pawl chung ah cun thazang ngei bik le an mah ram chung hrimhrim cu, bia tak tein control khawh mi an si, an ram uk/control mi chung hi “Wa State” ti bak in an auh mi asi fawn, atu lio hriamnam thatha ngeih mi an si pin ah, an ralkap ral doh khawh ding ah training pek dih cang mi hmanh hi minung 30,000 leng an ngeih fawn, China he relationship tha tak in ngei mi asi.
EAOs tangrual pawl hna hi Federal Political Negotiation and Consultative Committee FPNCC tiah an ti mi asi, Covid 19 zawtnak hri hnu ah atu I vawikhat iton khawmnak asi, mahi ton khawmnak ah tel mi pawl 7 hna cu:- UWSA, AA, (Arakanese Army), National Democratic Alliance Army (NDAA), Shan State Progress Party (SSPP), Ta’ang National Liberation Army, Myanmar National Democratic Alliance Army (MNDAA), Kachin Independence Army (KIA) hna hi an si.
An itonnak chan cheu khat hna cu, an pawl member-hna United Wa State Army he tuantinak tha ngeih deuh deuh khawh ding ah, atu lio Myanmar ram chung politics dirhmun hmahnung bik umtu ning le ralhrang pawl cawlcang ning hna zoh than nak ngeih asi, hruaitu hna nih an ruah ning le an hmuh ning tete hn discuss sharing hna tuah an si, KIA hruaitu lian taktak hna belte cu an state chung ah, idoh nak ah an buai deuh ruang ah an nau lei an tel ter khi asi, mah an iton nak hi China nih ruahman pia kasi tiah theih asi.
UWSA chairman Mr. Bao Youxiang nih EAOs aiawh hna cu anrak welcome hna, ei/din thatha tuah piak fawn in, AA le KIA hna hi Senior General Min Aung Hlaing nih meeting tuah in, remdaihnak ding ah tiah “peace talks” lemlem ah an tel duh bak lo mi an si, AA hna nih hin mah an iton khawmnak ah hin, UWSA lei in raldoh cawlcang ning, tactical advice tha taktak le anti-aircraft weapons supply zong an hal zum asi, Ralhrang hruaitu Min Aung Hlaing hi Russia ram Economic Forum ah a kal hnu in, China nih hin Military Council hruaitu hna lak ah alawm lo ngai khi asi, Burma ram hi tuhlan bantuk in hawi tha le zum tlak an sinak cu, an hloh dih cang tiin achim.