KIA le kawl ralhrang idoh kahnak ah atu hi Kachin lei ah azual chinchin cang khi asi, Min Aung Hlaing zong thin phan deuhnak angeih cang maw sihna KNU le KNLA zong ca an kuat,

Kachin state lei ah atu lio an idoh ngai ngai azual chinchin fawn cang, kawl ralhrang pawl thi mi zong an tam pah cang ko mu! Min Aung Hlaing nih kan hnu deuh ah kahn Kachin state general sin ah ca akuatnak zong karak langhter cang kha mu, Min Aung Hlaing ralkap uknak cu kum 2 dang kalpi ding ah arak phuan hawi kha mu atu hi thin phan deuh nak angei rua.


Min Aung Hlaing nih KNU le KNLA hna sin zong ah ca akuat tiah thei asi, mah cakuatnak ah kan hnu lei KIA pawl sin ah akuat bantuk khi asi, remdaihnak tuah ding ah ready kan si ko, meeting ngeih hna usih law atha khawhnak chung in kalpi khawh asi ko lai tiin, mah kong ah hin KNU le KNLA nih a leh mi thei asi rih lo.

KIA General chim bang in Min Aung Hlaing hi abia kam ah adir lo Lih long te a chim, Kum 1 hnu ah Election katuah lai atimi atu ah cun 2023 ah tuah asi lai ati hawi cang,

Nawlngeihnak an lak kate ah 1st Febuary 2021 hnu ah an bia chim hmasa bik ah khan, Sr.Gen.Min Aung Hlaing nih kum khat chung ah election tuah asi lai tiah arak phuang kha asi, Atu ah cun Election hi 2023 kum August thla chung in tuah manh cauh asi lai ati than cang, mah hlan ah cun thimnak kan tuah kho rih lai lo tiin achim hawi cang cu!

Election tuah kho ding ah cun remdaihnak a um hnu nawl peknak tha aher tiin, Lih achim than khi asi, an chim than nak ah thimnak hnu ah cun ateitu party nih, ram ahruai/ a uk cang lai tiin, nihin bia achimnak ah atu bantuk in arak chim than nak asi, Nihin biachim a let than nak hi Military Administrative Council Meeting nak ah abia chi mi asi, amah le mah lila bia chim zong anawnnawk dih ko hih!

2020 thimnak cu NLD party ruang ah thimnak afel fai lo ngai asi, NLD nih nawlngeihnak ahman sual ruang ah ram chung khawkhan lairelnak cu, emergency provision puangin nawlngeihnak alak piak asi tiin a chim, thimnak ah vote fir 11million a um tiah achim fawn, ASEAN ram nih April ni 24 ah biachahnak angei mi point 5 cu kan pawm ko ati, ASEAN special envoy to Myanmar caah, tuah mi 3 chung ah Thai Foreign Minister tuan cang mi Mr Virasakdi Futrakul cu, rem kan ti ko nain thil dang dang ruang ah hma lak khawh asi rih lo, ASEAN nih policy antuah mi hna cu kalpi peng asi ati.

ASEAN nih bia chan point 5 chung ah ralkap nih tharum hman lo ding, pawl dang dang hna he remte in chim le rel, Minung nunnak upat piak, mi harsa pawl bawmnak kong ah ning lam tein pek khawhnak hna asi, Myanmar ram nih faktuk in harnak an tawn mi thil cu, social , Econonic lei le mipi cung ah covid zawtnak le ralkap kutthlaknak ruang ah, Myanmar ram cu achia bik dirhmun ah dir lio asi cang, timi hna cu Min Aung Hlaing nih pakhat hmanh achim duh lem lo khi asi.