KIA le Kawl Ralhrang Kahdohnak A Fah Chin Caah Khuami 200 Hrawng An Zaam Cang!

Kachin ah KIA le Myanmar Ralkap Kahdohnak a Fah Chin caah Khuami 200 Hrawng Ralzam Dirhmun in an Um
May be an image of 3 people, child, people sitting, tree and outdoors
Myitgyina ah Myanmar ralkap le palik nih lamzawhtu mino 2 an kah hna hnu ah KIA nih Myanmar ralkap sakhaan pakhat an rak luh hnawh i, cu caan thawk cun kap hnih karlak kahdohnak a hun fak chin thluahmah.
N’Jayan khua ah a chuakmi kahdohnak ruang ah khuami 200 hrawng nih an innlo an chuahtak i ralzam dirhmun in an um hna.
KIA le Myanmar ralkap abikin an i kahnak hmun hi Myitsone cunglei Kwetaung khuate le Tanbaungyan khuate kiangkap ah hin a si i, nizan March 15 thawk in atu tiang an i kap.
Innlo a chuahtakmi ralzam pawl ca ah Word Food Program (WFP) nih tirawl lei in bawmhnak pek ding in timhtuahnak a ngei.

May be an image of 2 people, child, people standing, people sitting and outdoorsMay be an image of 2 people, child, people sitting and outdoorsMay be an image of 3 people, child, people sitting and outdoorsMay be an image of 1 person and outdoorsMay be an image of 2 people and people sittingMay be an image of child, sitting and outdoorsMay be an image of 3 people, people sitting, people standing, tree and outdoorsMay be an image of tree and outdoorsMay be an image of 1 personMay be an image of 1 person, child, standing and outdoorsMay be an image of 2 people, people sitting and treeMay be an image of child and outdoors

Crd- The Chin Journal

Relchap: Vawleipi nih Cathanh Chuah Nakin Action A Lak Tu A Herh Cang! (Fortify Rights Nih UN General Assembly Auh Ding A Hal)

Nihin Myanmar ram kong thawngpang tawr lak ah mizapi nih theih awk abiapi tiah kan ruahmi a tanglei tlangtar pahnih hi kan rak ttial.

Dr. Sasa: Vawleipi nih Cathanh Chuah nakin Action Lak Tu Kan Herh Cang

Myanmar Kong ah arannak in UN General Assembly Auh Ding in Fortify Rights nih Hal

Dr. Sasa: Vawleipi nih Cathanh Chuah nakin Action Lak Tu Kan Herh Cang

Ni khat hnu ni khat in thil sining a zual chin thluahmahmi Myanmar ram kong ah vawleicung ram hna nih cathanh chuah lawng si ti loin action lak caan a si cang, tiah Dr. Sasa nih BBC he biaruahnak a chim.

“Myanmar rammi hna tangka in phungninglo ralkap (SAC) nih ralhriam an cawk i, cu ralhriam cun kanmah Myanmar rammi lila an thah hna. SAC ralkap nih rammi a bubu in an thah hna nain vawleicungpi nih an zoh sawh rih. Myanmar ram kong ah cathanh chuah len si ti loin atu ah cun action lak caan a si cang,” tiah a chim.

“Vawleicung ram kip nih hmun khatte ah Myanmar ralkap cung ah a fak bikmi dantatnak tuah a herh. UN, US, China le India tibantuk zong nih Myanmar ralkap thiltuah duhlonak awaan fak deuh piin an langhter a herh,” tiah a chim chap.

Myanmar Kong ah UN General Assembly Auh Ding in Fortify Rights nih Hal

Myanmar kong he pehtlai in arianrannak in UN General Assembly tonpumhnak auh ding in nuhrin covo zatlangbu Fortify Rights nih nihin March 15 ah a hal.

Dai tein lamzawhnak a tuahmi Myanmar rammi pawl tuksaphur in Myanmar ralkap nih lehrulnak an tuahmi kong ah vawleicung ram kip nih aa ruang tein action an lak khawh nakhnga UN General Assembly an auh awk a si, tiah Fortify Rights nih a langhter.

February 1 thawk in atu tiang ah ralkap le palik kut in nu le ngakchia telh in minung 120 leng an nunnak a liam cang i, minung 2,000 leng zong tlaih an tong.

“UN Security Council (UNSC) nih Myanmar ralkap cung ah fak piin lehnak tuah hi Myanmar rammi hna nih an herh bikmi a si. Asinain, UNSC nih cu bantuk thiltuah cu atu tiang tlolh peng rih. Cucaah, Russia le Tuluk nih Veto Power an hman khawh lo nakding UN General Assembly pi ah Myanmar kong he pehtlai in Emergency Meeting tuah awk a si,” tiah Fortify Rights nih halnak a tuah.

SOURCE: THE CHIN JOURNAL